پاۆلودار وبلىسى، اقسۋ قالاسىندا قاتتى جەلدىڭ سالدارىنان جانتۇرشىگەرلىك جاعداي تىركەلدى. جول بويىندا كەلە جاتقان تاكسيدىڭ ۇستىنە اعاشتىڭ اۋىر بۇتاعى قۇلاپ، سالدارىنان كولىك ىشىندەگى جولاۋشى — 1968 جىلى تۋعان ايەل — وقيعا ورنىندا كوز جۇمدى.
كۋاگەرلەر تۇسىرگەن ۆيدەودان كولىكتىڭ الدىڭعى اينەگىن تەسىپ وتكەن بۇتاقتىڭ جولاۋشىنىڭ كەۋدەسىنە قادالعانى كورىنەدى. قاتتى سوققىدان كەيىن جەدەل جاردەم كەلگەنشە ايەل جان ءتاسىلىم ەتكەن.
📹 تاكسي جۇرگىزۋشىسى اۋىر جاعدايدان سوڭ ەسەڭگىرەپ، جىلاپ، كومەك سۇراعانى دا ۆيدەوعا ءتۇسىپ قالعان. جول-كولىك قوزعالىسى قاۋىپسىزدىگىن قامتاماسىز ەتۋ قىزمەتتەرى مەن پوليسيا دەرەۋ وقيعا ورنىنا كەلىپ، ءتيىستى شارالار قابىلدادى.
قازىرگى ۋاقىتتا وقيعانىڭ ءمان-جايى انىقتالىپ، اعاش قۇلاۋىنا بايلانىستى جاۋاپتى قىزمەتتەرگە تەكسەرۋ جۇرگىزىلۋدە. جەلدىڭ ەكپىنى 20 م/س-قا دەيىن جەتكەنى حابارلاندى.