اقتاۋعا كىرۋ مەن قالادان شىعۋ جۇرگىزۋشىلەر ءۇشىن ءىرى كولەمدى جۇك تاسىمالداۋعا بايلانىستى جول اپاتىنان كەيىن ۋاقىتشا شەكتەلدى، دەپ حابارلايدى infohub.kz سايتى.
اقتاۋ اكىمدىگىنىڭ Instagram پاراقشاسىندا حابارلاعانداي، جول وقيعاسى 17ء-شى پوست — حگمز اۋدانىندا بولدى. بۇگىن ساعات 13:14-تە جۇك كولىگى تەمىرجول جولىنىڭ قۇرىلىمدىق ەلەمەنتتەرىن قاعىپ كەتتى. سالدارىنان قۇرىلىس ەلەمەنتتەرىنىڭ ءبىر بولىگى زاقىمداندى. زارداپ شەككەندەر جوق.
«وسىعان بايلانىستى، جول قوزعالىسىنىڭ قاۋىپسىزدىگىن قامتاماسىز ەتۋ ماقساتىندا اتالعان جول ۋچاسكەسىندە اۆتوكولىك قۇرالدارىنىڭ قوزعالىسى ۋاقىتشا توقتاتىلدى. اقتاۋعا كىرەردە باتىر اۋىلى ارقىلى قۇرىق باعىتىنداعى مارشرۋتتى پايدالانۋ ۇسىنىلادى. قالادان شىعاردا ماڭعىستاۋ جانە قىزىلتوبە ەلدى مەكەندەرى ارقىلى وتەتىن مارشرۋتتى پايدالانۋ ۇسىنىلادى»، — دەپ ەسكەرتتى جۇرگىزۋشىلەرگە.
ايتا كەتۋ كەرەك، قازىرگى تاڭدا وقيعا ورنىندا زارداپتاردى جويۋ جانە زاقىمدانعان ەلەمەنتتەردى قالپىنا كەلتىرۋ جۇمىستارى جۇرگىزىلۋدە. قۇرىلىسقا تەحنيكالىق تەكسەرۋ جۇرگىزىلىپ، قوزعالىس قاۋىپسىزدىگى قامتاماسىز ەتىلگەننەن كەيىن قوزعالىستى قايتا باستاۋ ماسەلەسى قارالاتىن بولادى.
«جول قوزعالىسىنا قاتىسۋشىلاردان ۋاقىتشا شەكتەۋلەرگە تۇسىنىستىكپەن قاراۋدى، بالامالى مارشرۋتتاردى پايدالانۋدى جانە جول قوزعالىسى قاۋىپسىزدىگى تالاپتارىن قاتاڭ ساقتاۋدى سۇرايمىز»، — دەپ قورىتىندىلادى اكىمدىكتە.
سونىمەن قاتار، جەلىدە وقيعا ورنىنان تۇسىرىلگەن كادرلار پايدا بولدى.