اقتاۋداعى مامانداندىرىلعان اۋدانارالىق قىلمىستىق سوتتا جاڭاوزەندە بولعان دارىگەر نۇرداۋلەت امانعاليەۆتىڭ ولىمىنە قاتىستى رەزونانستىق ءىس قارالدى. جاس تەراپەۆت 28 قاڭتاردا پىشاق جاراقاتىنان قايتىس بولعان ەدى.
بۇل تۋرالى Infohub.kz اقپارات اگەنتتىگى حابارلايدى.
سوت پروسەسىنە قاتىسقان بلوگەر ازامات سارسەنباەۆتىڭ ايتۋىنشا، قايعىلى وقيعاعا قىزعانىش سەبەپ بولعان. ايىپتالۋشى – 14 جىل بويى وتباسىن قۇرىپ، بەس قىز تاربيەلەپ وتىرعان ەر ادام. ول ايەلىنىڭ وپاسىزدىعىن كوتەرە الماي، جاعدايدى بەيبىت جولمەن شەشۋگە تىرىسقان.
قىزعانىش پەن قاتىگەزدىك
بلوگەردىڭ سوزىنشە، ايىپتالۋشى جۇبايىنىڭ تاعى دا وپاسىزدىعىن راستايتىن دەرەكتەردى العان سوڭ، قاتتى كۇيزەلىسكە ۇشىراپ، قارسىلاسىنىڭ جۇمىس ورنىنا بارىپ، بىرنەشە رەت پىشاقتاپ العان. كەيىن ول ءوز ەركىمەن پوليسياعا بەرىلگەن.
«ءبىر عانا جاعدايدىڭ كەسىرىنەن ەكى ادامنىڭ تاعدىرى تالقاندالدى: ءبىرى قازا تاپتى، ەندى بىرىنە ۇزاق جىلدارعا باس بوستاندىعىنان ايىرىلۋ ءقاۋپى ءتونىپ تۇر»، — دەدى بلوگەر.
تەرگەۋ جانە سوت پروسەسىنە قاتىستى وزگە مالىمەتتەر كەيىنىرەك جاريالانادى.