اقتاۋدا ەرلىكپەن قازا تاپقان ەرلان شونتاباەۆتىڭ وتباسىنا پاتەر بەرىلدى
26 شىلدەدە كاسپي تەڭىزىندە ادامداردى قۇتقارۋ كەزىندە قايتىس بولعان ەرلان شونتاباەۆتىڭ وتباسىنا جاڭا ءۇش بولمەلى پاتەردىڭ كىلتى تابىستالدى. بۇل تۋرالى جەرگىلىكتى بيلىك حابارلادى.
مارقۇم سۋعا شومىلۋعا تىيىم سالىنعان اۋماقتا تەڭىزگە اعىپ بارا جاتقان ەكى قىزدى امان الىپ قالعان. الايدا ءۇشىنشى ەر ادامدى قۇتقارۋعا ۇمتىلعاندا، قاتتى تولقىننىڭ سالدارىنان ءوزى جاعاعا قايتا شىعا الماي، كوز جۇمدى.
ەرلىگىمەن ەل ەسىندە قالعان ازاماتتىڭ ارتىندا وتباسى قالعان ەدى. جەرگىلىكتى اكىمدىك باتىردىڭ وتباسىنا ماتەريالدىق كومەك كورسەتىپ، جاڭا باسپانا بەردى.
مارقۇمنىڭ ەرلىگى جۇرتشىلىقتىڭ جۇرەگىن تەبىرەنتىپ، الەۋمەتتىك جەلىدە قولداۋ مەن العىس پىكىرلەر قارشا جاۋعان ەدى.