اقتوبە وبلىسىندا پوليسيا قىزمەتكەرلەرى ارنايى جاساقتىڭ قولداۋىمەن جەكە ۇيدە ءتىنتۋ جۇرگىزىپ، ەسىرتكىلىك وسىمدىكتەردى زاڭسىز ءوسىرۋدىڭ جولىن كەستى، دەپ حابارلايدى infohub.kz سايتى.
وبلىستىق پوليسيا دەپارتامەنتىنىڭ ءباسپاسوز قىزمەتى ءمالىم ەتكەندەي، ەسىرتكىلىك وسىمدىكتەردى زاڭسىز ءوسىرۋ فاكتىسىن تەمىر اۋدانىنىڭ پوليسەيلەرى انىقتادى.
«شۇبارشي اۋىلىنداعى جەكە ءۇيدىڭ بىرىندە ءتىنتۋ بارىسىندا پوليسەيلەر ەسىرتكىلىك وسىمدىكتەر وسىرىلگەن، ارنايى دايىندالعان جەر تەلىمدەرىن تاپتى. بارلىعى التى كوك وسىمدىك بۇتاسى انىقتالدى. سونىمەن قاتار ءۇيدىڭ ءارتۇرلى بولمەلەرى مەن مونشادان وسىمدىك زاتى، تۇقىمدار، سونداي-اق زات ساقتالعان بۇيىمدار مەن قاپتامالار تابىلدى. تاركىلەنگەن وسىمدىك زاتىنىڭ جالپى سالماعى شامامەن 11 كەلىنى قۇرادى. بارلىق تاركىلەنگەن زات ءتيىستى ساراپتاماعا جىبەرىلدى»، — دەدى اقتوبە وبلىسى پد-دە.
سوتقا دەيىنگى تەرگەۋ بارىسىندا ەر ادام اعىمداعى جىلدىڭ كوكتەمىندە اۋلادا جەرگە ارنايى شۇڭقىرلار قازىپ، وعان ەسىرتكىلىك وسىمدىكتىڭ تۇقىمىن ەككەنى انىقتالدى. كەيىن ول وسىمدىكتەردى سۋارىپ، وسىرگەن، ونى جەكە تۇتىنۋ ءۇشىن جاساعانىن ءتۇسىندىردى.
جاۋاپ الۋ كەزىندە ەر ادام كىناسىن مويىندادى. وسى فاكتى بويىنشا ق ر قك 300-بابىنىڭ 1-بولىگىمەن قىلمىستىق ءىس تىركەلدى.
قازىرگى تاڭدا قىلمىستىق ءىس بويىنشا قاجەتتى تەرگەۋ شارالارى جۇرگىزىلۋدە.