قازاقستان پرەزيدەنتى قاسىم-جومارت توقاەۆتىڭ وكىمىمەن ارداق تەمىرحان ۇلى زەبەشيەۆ قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى بولىپ تاعايىندالدى. بۇل تۋرالى مەملەكەت باسشىسىنىڭ ءباسپاسوز قىزمەتى حابارلادى، دەپ جازادى infohub.kz سايتى.
«مەملەكەت باسشىسىنىڭ وكىمىمەن زەبەشيەۆ ارداق تەمىرحان ۇلى قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى بولىپ تاعايىندالدى»، — دەلىنگەن اقوردا حابارلاماسىندا.
سىرتقى ىستەر مينيسترلىگىنىڭ دەرەگىنشە، 2026 جىلدىڭ ماۋسىمىنان باستاپ ارداق زەبەشيەۆ مينيسترلىكتىڭ ينۆەستيسيالار جونىندەگى كوميتەتىنىڭ ءتوراعاسى قىزمەتىن اتقارعان.
ارداق زەبەشيەۆ 1981 جىلى وڭتۇستىك قازاقستان وبلىسىندا دۇنيەگە كەلگەن. 2003 جىلى م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن «حالىقارالىق قاتىناستار» ماماندىعى بويىنشا، ال 2006 جىلى قازتۇتىنۋوداعى قاراعاندى ەكونوميكالىق ۋنيۆەرسيتەتىن «ەكونوميكا» ماماندىعى بويىنشا بىتىرگەن. 2014 جىلى «بولاشاق» باعدارلاماسى اياسىندا لوندون كورولدىك كوللەدجىندە «مەملەكەتتىك باسقارۋ» ماماندىعى بويىنشا وقۋىن ءتامامداپ، 2019 جىلى ۇلىبريتانياداعى ۋوريك بيزنەس مەكتەبىندە ىسكەرلىك اكىمشىلىكتەندىرۋ ماگيسترى (مۆا) دارەجەسىن الدى.
2003–2016 جىلدارى ارداق زەبەشيەۆ وڭتۇستىك قازاقستان وبلىسى اكىمىنىڭ اپپاراتىندا، اۋىل شارۋاشىلىعى مينيسترلىگىندە، سىرتقى ىستەر مينيسترلىگىندە جانە قازاقستان رەسپۋبليكاسى پرەمەر-مينيسترىنىڭ كانسەليارياسىندا قىزمەت ەتتى.
2016–2019 جىلدارى ول «سامۇرىق-قازىنا» اكسيونەرلىك قوعامىنىڭ قۇرىلىمدارىندا باسشىلىق لاۋازىمدار اتقارىپ، اۋىل شارۋاشىلىعى ءمينيسترىنىڭ جانە قازاقستان رەسپۋبليكاسى پرەمەر-مينيسترىنىڭ ورىنباسارىنىڭ كەڭەسشىسى بولدى.
2019–2024 جىلدارى ارداق زەبەشيەۆ قازاقستان رەسپۋبليكاسى سىرتقى ىستەر مينيسترلىگىنىڭ ينۆەستيسيالار جونىندەگى كوميتەتىندە باسقارما باسشىسىنان كوميتەت ءتوراعاسىنا دەيىنگى جولدى ءجۇرىپ ءوتتى.
2024 جىلدان 2026 جىلدىڭ ماۋسىمىنا دەيىن ول قىزىلوردا وبلىسى اكىمىنىڭ ورىنباسارى بولىپ تاعايىندالعان ەدى.