ارگەنتينا قۇراماسى نايزاعايعا بايلانىستى اتلانتادا تۇرىپ قالدى. بۇل كوماندانىڭ نيۋ-يوركتە وتەتىن ءاچ فينالىنا ۇشۋىنا كەدەرگى كەلتىردى، دەپ حابارلايدى infohub.kz سايتى.
جارتىلاي فينالدا جەڭىسكە جەتكەن سوڭ، كوماندا «ۇلكەن الماعا» اتتانىپ، فينالعا دايىندالۋدى جوسپارلاعان. ءبىراق قولايسىز اۋا رايى جوسپاردى بۇزدى.
كوماندانىڭ فينالدىق ويىنعا دايىندىعى رەيستىڭ كەشىگۋىنە بايلانىستى ەلەۋلى زارداپ شەگۋى مۇمكىن. ادەتتە اتلانتادان نيۋ-يورككە ۇشۋ شامامەن 2 ساعات 20 مينۋتتى الادى.
«ەگەر ولار تاڭعا دەيىن ۇشا الماسا، كوماندانىڭ يسپاندىقتارمەن كەزدەسۋگە دەيىن نيۋ-يوركتە ءبىر تولىق كۇننەن ءسال عانا ارتىق ۋاقىتى قالادى»، — دەپ اتاپ ءوتتى The Sun باسىلىمى.
ەسكە سالا كەتەيىك، ارگەنتينا قۇراماسى انگليانى جەڭىپ، فۋتبولدان 2026 جىلعى ءاچ فينالىنا قاتارىنان ەكىنشى رەت شىقتى. وتكەن الەم چەمپيوناتىندا ارگەنتيندىكتەر باس جۇلدەنى يەلەنگەن ەدى.
سونىمەن قاتار، ليونەل مەسسي انگليامەن ويىندا الەم چەمپيوناتتارى تاريحىن تاعى دا قايتا جازدى.
ەندى كوماندانى اڭساعان جۇلدەدەن تەك ءبىر عانا ويىن ءبولىپ تۇر.
ءبىزدىڭ Telegram-ارنامىزعا جازىلىڭىزدار: @sportnurkz. مۇندا سپورت جاڭالىقتارىنىڭ ەڭ سوڭعىسىن تابا الاسىز.