ارگەنتينادا شەنەۋنىكتەرى بار تىكۇشاق قۇلادى. سان-حۋان گۋبەرناتورى مارسەلو وررەگو اپات سالدارىنان جەتى ادامنىڭ قازا تاپقانىن حابارلادى، دەپ مالىمدەيدى infohub.kz.
ءوڭىر باسشىسى ح الەۋمەتتىك جەلىسىندە مالىمدەمە جاسادى.
«ءبىز پروۆينسيادا بولعان تىكۇشاق اپاتىنان جەتى ادامنىڭ قازا تاپقانىن زور قايعىمەن قابىلدادىق»، — دەپ جازدى وررەگو. ونىڭ ايتۋىنشا، قازا تاپقاندار — ومىرلەرىن جەرگىلىكتى تۇرعىنداردى قورعاۋعا ارناعان مەملەكەتتىك قىزمەتكەرلەر: ازاماتتىق قورعاۋ قىزمەتىنىڭ ديرەكتورى، پوليسيا باستىعىنىڭ ورىنباسارى، ءورت ءسوندىرۋ قىزمەتىنىڭ باستىعى، ونىڭ ورىنباسارى جانە فەدەرالدى توتەنشە جاعدايلار اگەنتتىگىنىڭ قىزمەتكەرلەرى.
سونداي-اق اپاتتان ۇشقىش قازا تاپتى.
«قازا تاپقانداردىڭ وتباسىنا شىن جۇرەكتەن كوڭىل ايتامىن. ءبىز جاقىندارىنان ايىرىلعان ءاربىر ادامنىڭ قايعىسىن بولىسەمىز»، — دەپ جازدى گۋبەرناتور.