اقش-تىڭ اريزونا شتاتىنداعى فينيكس قالاسىندا Turning Point USA ۇيىمىنىڭ شتاب-پاتەرىندە جاڭادان اشىلعان وڭشىل بەلسەندى چارلي كيركتىڭ ەسكەرتكىشى ءبۇلدىرىلدى، دەپ حابارلايدى infohub.kz سايتى.
مۇسىنگە قىزىل بوياۋ شاشىپ كەتكەن. ەسكەرتكىشتىڭ الدىنداعى قابىرعاداعى كيرككە ارنالعان مەموريالدىق پلاكات تا قىزىل بوياۋمەن بۇلدىرىلگەن. سونىمەن قاتار فينيكستەگى كيرك تۋرالى تاعى ءبىر پلاكاتقا دا زاقىم كەلتىرىلگەن.
«ءبىز ءمۇسىندى قالپىنا كەلتىرىپ، ماڭدايشالاردى اۋىستىرامىز. سونىمەن قاتار وقيعانىڭ بەينەجازباسىن قاراپ، كىنالىلەردى انىقتاۋ ءۇشىن قۇقىق قورعاۋ ورگاندارىمەن جۇمىس ىستەپ جاتىرمىز. ولاردى جاۋاپكەرشىلىككە تارتامىز»، — دەلىنگەن Turning Point USA مالىمدەمەسىندە.
بيىكتىگى 8 فۋت بولاتىن ءمۇسىن 10 قىركۇيەكتە كيركتىڭ قازا تاپقانىنا ءبىر جىل تولۋىنا وراي ورناتىلعان بولاتىن.
دونالد ترامپتىڭ ماڭىزدى وداقتاسى سانالعان كيرك يۋتا شتاتىندا Turning Point USA ۇيىمىنىڭ ءىس-شاراسىندا اتىپ ولتىرىلگەن ەدى.
جۋىردا يۋتا شتاتىنىڭ سۋدياسى كيركتى اتىپ ءولتىردى دەپ ايىپتالعان ادامدى اۋىرلاتاتىن ءمان-جايلارداعى قاساقانا كىسى ءولتىرۋ قىلمىسى بويىنشا سوتقا تارتۋ تۋرالى شەشىم شىعاردى. بۇل — ايىپتالۋشى كىنالى دەپ تانىلسا، ءولىم جازاسىنا كەسىلۋى مۇمكىن اۋىر قىلمىس ساناتى.