اقش-تىڭ اريزونا شتاتىنداعى تۋسون قالاسىنىڭ ورتالىعىندا بولعان اتىس كەزىندە توعىز ادام اۋىر جارالاندى. پوليسيا قىزمەتكەرى كۇدىكتىنى جارالادى، دەپ حابارلايدى infohub.kz سايتى.
تۇندە تۋسون قالاسىنىڭ ورتالىعىندا بولعان جاپپاي اتىس سالدارىنان توعىز ادام اۋىر جارالاندى.
قالا پوليسياسىنىڭ حابارلاۋىنشا، جەرگىلىكتى ۋاقىتپەن ساعات 02:00 شاماسىندا يست-كونگرەسس-ستريت كوشەسىندە اتىس داۋىسى ەستىلدى. جاقىن جەردە بولعان جاياۋ پاترۋلدەر دەرەۋ وقيعا ورنىنا بەت الدى.
«قىزمەتكەرلەر دەرەۋ اتىس شىققان جاققا جۇگىرىپ بارىپ، كۇدىكتىنى انىقتادى. ولار ودان بىرنەشە رەت بۇيرىقتى ورىنداۋدى تالاپ ەتتى، سودان كەيىن پوليسەيلەردىڭ ءبىرى قىزمەتتىك قارۋىن قولدانىپ، كۇدىكتىنى جارالادى»، — دەدى تۋسون پوليسياسىنىڭ وكىلى فرەنك ماگوس ءباسپاسوز ءماسليحاتىندا.
ەسىمى جاريالانباعان ەر ادام اۋرۋحاناعا جەتكىزىلدى. پوليسيا وكىلدەرىنىڭ ايتۋىنشا، ونىڭ جاعدايى اۋىر.
تەرگەۋ نۇسقاسى بويىنشا، وق جاراقاتىن العان توعىز ادام دا اۋىر حالدە اۋرۋحاناعا جات قىزىلدى. بارلىق زارداپ شەككەندەر — ەرەسەكتەر، ولاردىڭ جاراقاتتارى اياق-قولدارىنا تيگەن.
تەرگەۋ جالعاسۋدا.
جاقىن جەردەگى HighWire بارى مەن Empire Pizzeria پيسسەرياسىندا بولعان كۋاگەرلەر الدىمەن اتىس داۋىسىن ەستىگەنىن، سودان كەيىن وقيعا ورنىندا كوپتەگەن پوليسيا كولىكتەرىن كورگەندەرىن ايتتى.