قۇدىرەتتى تىرلىگىڭە كىرىستىڭ بە قايتا، ادام؟
ارما، ءومىر، بار ەلەمدى باۋرىنا الىپ شايقاعان!
ءاربىر ءارپى قانعا شومعان تاريحىنا قاراڭدار،
وتىرارداي وپات بولعان قالا جوق پا، جاراڭدار؟
ءتاتۋ-تاتتى بارمىسىندار، ارمىسىڭدار، ادامدار!
الەم - دارحان، سايالاڭدار، بارىڭە دە ورىن بار،
قورعان ەمەس، سالتاناتتى، ءساندى ساراي سوعىڭدار.
ەي، ادامدار، سەندەر تاتۋ، سەندەر تاتۋ بولىڭدار!
انامىز - جەر، سول انادان جاراتىلدىق، تۋىستىق،
الايدا ءبىز قان دا توكتىك، قالجىرادىق، ۇرىستىق...
ارمىسىڭ، سەن، ارامىزدا جالعىز پەرزەنت - تىنىشتىق!