ارقانعا ورمەلەۋدى ۇيرەتۋ، دامىتۋ

ماڭعىستاۋ وبلىسى، قاراقيا اۋدانى،
جەتىباي اۋىلى، №4 ورتا مەكتەبىنىڭ
دەنە شىنىقتىرۋ ءپانىنىڭ ءمۇعالىمى
دجارلگاەۆا اليا ماناسوۆنا

ساباقتىڭ تاقىرىبى: ارقانعا ورمەلەۋدى ۇيرەتۋ، دامىتۋ
ساباقتىڭ ماقساتى:
ساۋىقتىرۋ: وقۋشىلاردىڭ دەنساۋلىعىن ساقتاۋ مەن نىعايتۋ؛
بىلىمدىك: دەنە تاربيەسى ءبىلىمىن مەڭگەرۋ جانە ونىڭ نەگىزىن قۇرايتىن قيمىل - قوزعالىس داعدىلارىن قالىپتاستىرۋ، جەتىلدىرۋ؛
تاربيەلىك: بالانىڭ كۇش قۋاتىن، قيمىل ۇيلەسىمىن، توزىمدىلىگىن تاربيەلەۋ؛
كورنەكى قۇرال: ارقان، كەرمە.

ساباقتىڭ بارىسى:
I. كىرىسپە ءبولىمى: 8 مينۋت.
1. ساپقا تۇرعىزۋ. راپورت قابىلداۋ.
2. ساباقتىڭ ماقساتىمەن تانىستىرۋ.
3. دايارلىق جاتتىعۋلاردى جاساتۋ:
- بۇلشىق ەتتى جەتىلدىرۋگە ارنالعان بارلىق جاتتىعۋلار.
- يىق بۋىندارىن قوزعالىسقا تۇسىرەتىن قول قيمىلدارى؛
- ۇساق تاستار مەن ۇيەڭكى جاڭعاقتارىن (وڭ جانە سول قولمەن) قاشىقتىققا لاقتىرۋ نە نىساناعا كوزدەۋ؛

II. نەگىزگى ءبولىمى: 30 مينۋت.
ارقانمەن ورمەلەگەندە قولمەن اياقتىڭ كۇشىن ۇيلەستىرە پايدالانۋ كەرەك. ادەتتە اياقتىڭ كۇشى از پايدالانىلادى.
ارقانمەن ورمەلەۋدىڭ نەگىزگى ەكى ءتاسىلى قولدانىلادى. ءبىرىنشىسى - ارقاندى وراپ الىپ، قولدى جوعارىدان ۇستاپ ورمەلەۋ، ەكىنشىسى - ارقاندى ەكى تىزەمەن قىسىپ تۇرىپ، قولدى بوساتا بەرىپ جوعارىدان ۇستاپ ورمەلەۋ.
نەگىزگى جاتتىعۋدى ورىنداماس بۇرىن مىنانداي دايىندىق جاتتىعۋلارى ورىندالادى:
1. ارقانعا اسىلىپ تۇرىپ تەربەلۋ؛
2. ارقانعا اسىلىپ تۇرىپ اياقتى الدىنا سوزا جوعارى كوتەرۋ؛
3. اسىلىپ تۇرعان قالىپتا اياقتىڭ ۇشىن (الدىنا سوزا جوعارى كوتەرۋ) قولعا تيگىزۋ.
ورمەلەۋ وسى جاتتىعۋلاردى ورىنداپ بولعاننان كەيىن باستالادى.

كەرمەدە ورىندالاتىن جاتتىعۋلار:
1. ەكى قولمەن اسىلىپ تۇرىپ تەربەلۋ.
2. ەكى اياقتىڭ قىلتاسىمەن اسىلۋ.
3. ءبىر اياقتى ءىلىپ الۋ ارقىلى كەرمەگە شىعۋ جانە ەكى قولعا تايانىپ تۇرۋ.
4. كەرمەگە تايانىپ تۇرىپ، الدىنا اۋدارىلىپ ءتۇسۋ.
5. شالقادان جاتىپ، كەرمەدەن ۇستاپ تارتىلۋ.
6. كۇشپەن تارتىلۋ.

III. قورىتىندى ءبولىمى: 5 مينۋت.
1. باعالاۋ.
2. ۇيگە تاپسىرما: جالپى جاتتىعۋلاردى ورىنداۋ.
3. دەنەگە تۇسكەن سالماقتىڭ كۇشىن جويۋعا ارنالعان جاتتىعۋلاردى جاساتۋ.