سامارقاندتا ءوتىپ جاتقان 2026 جىلعى شاحمات وليمپياداسىندا قازاقستان ايەلدەر قۇراماسى ءۇندىستان كومانداسىمەن تەڭ ءتۇستى. بۇل ناتيجەنى قازاقستاندىق شاحماتشى بيبيسارا اساۋباەۆا ءتۇسىندىردى، دەپ حابارلايدى infohub.kz سايتى.
سپورتشى ءوز پىكىرىن Telegram-ارنادا جاريالانعان بەينەجازبادا ايتتى. ونىڭ سوزىنشە، قازاقستاندىق قۇراما جەڭىسكە جاقىن بولعان، ءبىراق ويىن ناتيجەسى ولاردىڭ پايداسىنا شەشىلمەدى.
«بارشاڭىزعا سالەم. ءبىز بۇگىن ۇندىستانمەن تەڭ وينادىق. ماچتا جەڭۋىمىز كەرەك ەدى، ءبىراق ءسال ساتسىزدىك بولدى. شىنىمدى ايتسام، كۇشىم سارقىلىپ بارادى، ءبىراق ءبىز ءۇشىن وتە ماڭىزدى سوڭعى ءۇش پارتيا قالدى. ءقازىر ەكىنشى ورىندا كەلەمىز. ەرتەڭ موڭعوليامەن قارامەن وينايمىز، مىنە وسىلاي. تىم ۇزاق وليمپيادا بولدى، ءبىراز بىتپەي جاتقانداي. قۇرامامىز جاقسى، مۇمكىندىكتەرىمىز دە جەتكىلىكتى، تىرىسامىز»، — دەدى اساۋباەۆا.
ەسكە سالايىق، 24 قىركۇيەكتە سامارقاندتا ءوتىپ جاتقان 46-شى دۇنيەجۇزىلىك شاحمات وليمپياداسىندا قازاقستان ايەلدەر قۇراماسى قاتارىنان ەكىنشى رەت تەڭ ءتۇستى.