بۇرىنعى پرەزيدەنت نۇرسۇلتان نازارباەۆتىڭ «ەكىنشى وتباسىم» دەپ اتاعان اسەل يساباەۆانىڭ جاڭا سۋرەتتەرى جەلىدە پايدا بولدى. بۇل جاڭالىقتى تانىمال فوتوگراف ميراس بايانوۆ Instagram پاراقشاسىندا بولىسكەن.
بۇل تۋرالى Infohub.kz اقپارات اگەنتتىگى حابارلايدى.
فوتوگرافتىڭ ايتۋىنشا، اسەل يساباەۆا ونەرگە جاقىن جانداردىڭ ءبىرى. ول ءوزىنىڭ جازباسىندا: «مەن ءۇشىن ءاردايىم ونەرگە جاقىن بولۋ ماڭىزدى. اسىرەسە، سونىڭ ءبىر بولشەگىنە اينالعان ادامدارمەن بىرگە بولۋ. عاجايىپ اسەل يساباەۆا – مەنىڭ كوزقاراسىممەن»، – دەپ پىكىر بىلدىرگەن.
اسەل يساباەۆا كىم؟
اسەل يساباەۆا 1999 جىلى «ميسس قازاقستان» اتاعىن يەلەنگەن. قازىرگى تاڭدا ول 46 جاستا جانە «استانا بالەت» تەاترىنىڭ ارت-مەنەدجەرى قىزمەتىن اتقارادى. بۇعان دەيىن ونىڭ ەسىمى حالىقارالىق زەرتتەۋلەردە دە اتالىپ، وفشورلىق كومپانيالار ارقىلى 30 ميلليون دوللار العانى تۋرالى اقپاراتتار تاراعان بولاتىن.
ەكىنشى وتباسى تۋرالى
نۇرسۇلتان نازاربايەۆ ءوزىنىڭ ەكىنشى وتباسى بار ەكەنىن 2023 جىلى عانا رەسمي تۇردە مويىنداعان بولاتىن. ءوز مەمۋارىندا ول اسەل يساباەۆامەن العاشقى تانىستىعى سۇلۋلىق بايقاۋىنان كەيىن بولعانىن، كەيىن اراداعى جاقىن قارىم-قاتىناستىڭ دامىعانىن جازعان. پرەزيدەنتتىڭ ايتۋىنشا، ولار مۇسىلمان ءداستۇرى بويىنشا نەكەگە تۇرعان جانە بۇل نەكەدەن تاۋمان مەن بايكەن ەسىمدى ەكى ۇل تۋعان.