مەملەكەت باسشىسىنىڭ جارلىعىمەن اسقاربەك ەرتايەۆ قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى بولىپ قالا بەردى، دەپ حابارلايدى infohub.kz سايتى.
ەسكە سالايىق، بيىلعى جىلدىڭ قاڭتارىندا قاسىم-جومارت توقايەۆ اسقاربەك ەرتاەۆتى وسى لاۋازىمعا تاعايىنداۋ تۋرالى جارلىققا قول قويعان ەدى. اقوردانىڭ مالىمەتىنشە، شەنەۋنىك ءوز قىزمەتىن ساقتاپ قالدى.
ەڭبەك مينيسترلىگى سايتىنىڭ دەرەكتەرىنە سايكەس، اسقاربەك ەرتايەۆ 1977 جىلى اقتوبە قالاسىندا دۇنيەگە كەلگەن. ول ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن جانە «نۇر» اقتوبە مەنەدجمەنت، بيزنەس جانە قۇقىق ينستيتۋتىن بىتىرگەن.
ەڭبەك جولىن 1997 جىلى اقتوبە وبلىسى مۇعالجار اۋدانى اكىمى اپپاراتىنىڭ مامانى رەتىندە باستاعان. 2000 جىلدان 2014 جىلعا دەيىن بانك سەكتورىندا جۇمىس ىستەگەن.
2014 جىلى ق ر ەكونوميكا جانە بيۋدجەتتىك جوسپارلاۋ مينيسترلىگى ساۋدا كوميتەتىنىڭ باس ساراپشىسى مىندەتىن اتقارۋشى بولدى. 2014 جىلدان 2021 جىلعا دەيىن ق ر ۇلتتىق ەكونوميكا مينيسترلىگىندە باس ساراپشى، باسقارما باسشىسى، دەپارتامەنت ديرەكتورىنىڭ ورىنباسارى، دەپارتامەنت ديرەكتورى قىزمەتتەرىن اتقاردى.
2021 جىلدان 2022 جىلعا دەيىن ق ر پرەزيدەنتى اكىمشىلىگىنىڭ قاۋىپسىزدىك كەڭەسىنىڭ اناليتيكالىق ءبولىمى سەكتورىنىڭ مەڭگەرۋشىسى بولدى. 2022 جىلدان 2023 جىلعا دەيىن — ق ر پرەمەر-مينيسترى كەڭسەسىنىڭ، ق ر ۇكىمەتى اپپاراتىنىڭ ەكونوميكالىق ءبولىمىنىڭ مەڭگەرۋشىسى.
2023 جىلدان 2024 جىلعا دەيىن — ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ كوشى-قون كوميتەتىنىڭ ءتوراعاسى. 2024 جىلدان 2025 جىلعا دەيىن — قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيسە-مينيسترى. 2025 جىلدان 2026 جىلعا دەيىن قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءبىرىنشى ۆيسە-مينيسترى قىزمەتىن اتقاردى.