اسقورىتۋ جۇيەسىنىڭ بۇزىلۋى
اسقورىتۋ جۇيەسىنىڭ بۇزىلۋى كوبىنەسە جامان ادەتتەردىڭ ناتيجەسىندە پايدا بولادى. بەلگىلەرى: اسقازاندا اۋىرلىق سەزىمى، تىتىركەنۋ، تۇرشىگۋ، قىجىل، جۇرەك اينۋى، ۇيقىشىلدىق، باس اۋرۋى، قۇسۋ جانە ت.ب. ناشار قورىتىلعان ازىق اسقازاننان وتكەننەن كەيىن، ىشەكتە مىنا بەلگىلەر باستالادى: جەلدەنۋ، ءىشتىڭ ۇرلەنۋى، ءىش قاتۋى نەمەسە ءىشتىڭ ءوتۋى.
● جاقسىلاپ جانە اقىرىن شاينالماعان ازىقتار اسقورىتۋ اعزالارىندا اشيدى.
● تاماقتانعاندا ىشىلەتىن سۇيىقتىقتار اسقازاندى ۇرلەتەدى جانە شارشاتادى. ءبىر ستاكان سۋ ىشۋگە بولادى.
● كوپ تاماق جەۋ – اسقورىتۋ جۇيەسىنىڭ ناشارلاۋىنىڭ باستى سەبەبى. سوندىقتان داستارحاننان تويماستان تۇرىپ كەتۋ كەرەك.
● استىڭ قورتىلۋى ءۇشىن قالىپتى جاعدايدا 4-5 ساعاتتاي ۋاقىت قاجەت. اپتاسىنا ءبىر كۇن بولسا دا، اسقورىتۋ مۇشەلەرىن تىنىقتىرىپ تۇرۋ كەرەك.
● تاماقتانۋ ۋاقىتتارى اراسىندا جەۋ اسقازاندى شارشاتادى جانە جۇيكەلەردىڭ قورىن ازايتادى. تۇسكى اسپەن كەشكى اس اراسىندا قوسىمشا «جۇرەك جالعاۋ» ەرەسەكتەر ءۇشىن كەرەك ەمەس.
● شارشاۋلى، ۇيقىسىز جانە جۇيكە جۇقارعان كەزدە جەۋ، اسقورىتۋعا جاردەمشى بولا المايدى.
● ۇرىس-كەرىس، تالاس-تارتىس، قاتتى قوبالجۋ، اشۋ-ىزا، جەك كورۋشىلىك، وشپەندىلىك سياقتى نەگاتيۆتى ەموسيالار اسقورىتۋ مۇشەلەرىنە كەرى ىقپالىن تيگىزەدى.
● ىستىعى بار كەزدە جەۋ، تەمپەراتۋرانىڭ ارتۋىنا سەبەپ بولادى.
● تاماقتانعاننان كەيىن بىردەن جاتۋعا بولمايدى.
● شامادان تىس اس قوسپالارى، قىشا، سىركە سۋى، قارابۇرىش... اسقازاننىڭ حيميالىق قۇرامىن بۇزادى.
● پىسپەگەن جەمىستەر، وتە قىشقىل بولاتىندىقتان اۋلاق بولعان ءجون.
● قۋىرىلعان تاعامداردىڭ قورىتىلۋى قيىن بولادى.
● كوپ مولشەردە شەكەر تۇتىنۋ، اسقورىتۋ جۇيەسىنىڭ بۇزىلۋىنا جول اشادى.
● شاي، كوفە، كاكاو... اسقورىتۋ جۇيەسىنىڭ ءبىرقالىپتى جۇمىس ىستەۋىن بۇزادى.
● ءبىر وتىرعاندا ءار ءتۇرلى تاعامدار جەۋ، اسقورىتۋدا قيىندىق تۋدىرۋى مۇمكىن.
● ساعىز جانە وسىعان ۇقساعاندار، اسقازانداعى قىشقىلدىڭ كوبەيۋىنە سەبەپ بولادى.
You Might Also Like
-
دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) مالىمدەۋىنشە الەمنىڭ ەڭ پايدالى سۋلارىنان بولعان ءزامزام سۋىنىڭ كوپتەگەن سىرلارى، قازىرگى تەحنولوگيانىڭ دامىعان زاماننىڭ وزىندە دە اشىلا قويعان ەمەس.
