استانا تۇرعىندارى كولىك كەپتەلىسىنە تاپ بولدى: 2GIS سەرۆيسىنىڭ دەرەگىنشە، جولداردىڭ جۇكتەمەسى 10 بالعا جەتكەن. قالا تۇرعىندارى بۇل تۋرالى الەۋمەتتىك جەلىلەردە جاپپاي جازىپ جاتىر، دەپ حابارلايدى infohub.kz سايتى.
ەڭ ۇلكەن كەپتەلىس تۋرالى اقپارات Astanovka98 Telegram-ارناسىندا پايدا بولدى. ارنا جازىلۋشىلارى جاعدايدى بەلسەندى تالقىلاۋدا: «قار جاۋسا نەمەسە كوكتايعاق بولسا، نە بولادى»، «كىم كەلدى؟»، «نەگىزىنەن كەپتەلىستى جۇرگىزۋدى بىلمەيتىندەر جاسايدى».
10 بالدىق كەپتەلىس تۋرالى دەرەكتى 2GIS كارتاسى راستايدى. ەلوردانىڭ سول جاعالاۋىنداعى كوشەلەر قىزىل تۇسپەن بەلگىلەنگەن. سونىمەن قاتار، كارتادا قالادا بىرنەشە جول-كولىك وقيعاسى بولعانى كورىنەدى.
كەپتەلىس پەن جكو سەبەپتەرىن تۇسىندىرۋدە جۇرگىزۋشىلەر: «جابىلۋ»، «كەپتەلىس، باعدارشامدى الىپ تاستاڭدار»، «جوندەۋ جۇمىستارى» دەپ كورسەتكەن.
بۇعان دەيىن استانا پوليسياسى قالاداعى جولداردا جۇرگىزىلىپ جاتقان جوندەۋ جۇمىستارىنا بايلانىستى جۇرگىزۋشىلەرگە ۇندەۋ جاساعان. وندا جول جۇمىستارىنىڭ سالدارىنان قالادا كەپتەلىس جيىلەگەنى حابارلاندى. وسىعان بايلانىستى قالا تۇرعىندارى مەن قوناقتارىن جاعدايدى تۇسىنۋشىلىكپەن قابىلداۋعا، جول قوزعالىسى ەرەجەلەرىن ساقتاۋعا جانە جولداردا جانجالدى جاعدايلارعا جول بەرمەۋگە شاقىردى.