استانا پوليسياسى الەۋمەتتىك جەلىلەردە بەينەجازبا انىقتادى. وندا ەر ادام فۋتبول ماچى كەزىندە الدىنداعى ورىندىقتىڭ ارقالىعىنا اياعىن قويىپ، قوعامدىق ءتارتىپتى بۇزعان. بۇل تۋرالى infohub.kz سايتى حابارلايدى.
قۇقىق بۇزۋشى ەلوردانىڭ 28 جاستاعى تۇرعىنى بولىپ شىقتى. انىقتالعانداي، ماچ كەزىندە ول اياق كيىمىن شەشىپ، اياعىن الدىنداعى ورىندىقتىڭ ارقالىعىنا قويىپ، اينالاسىنداعىلارعا قۇرمەتسىزدىك كورسەتكەن. بۇل باسقا كورەرمەندەردىڭ نارازىلىعىن تۋدىرعان.
ۇساق بۇزاقىلىق، ياعني قوعامدىق ءتارتىپتى بۇزۋ جانە اينالاسىنداعىلارعا قۇرمەتسىزدىك كورسەتۋ ءۇشىن قۇقىق بۇزۋشى اكىمشىلىك جاۋاپكەرشىلىككە تارتىلدى. سوت شەشىمىمەن وعان 20 اەك (86 500 تەڭگە) مولشەرىندە ايىپپۇل سالىندى.
پوليسيا اينالاسىنداعىلارعا قۇرمەتپەن قاراۋ، مىنەز-ق ۇلىق ەرەجەلەرىن ساقتاۋ جانە قاراپايىم ادەپتىلىك قوعامدىق ءتارتىپتىڭ نەگىزى ەكەنىن ەسكە سالدى.
سونداي-اق پوليسەيلەر ازاماتتاردى قوعامدىق ءتارتىپ نورمالارىن ساقتاۋعا، اينالاسىنداعىلاردىڭ قۇقىعى مەن جايلىلىعىن قۇرمەتتەۋگە، سپورتتىق جانە باسقا دا بۇقارالىق ءىس-شارالاردا ءتارتىپتى قولداۋعا شاقىردى. اركىمنىڭ مادەنيەتى — بارلىعىنا ءقاۋىپسىز ءارى جايلى اتموسفەرانىڭ كەپىلى.