استانا اكىمدىگى 2026-2030 جىلدارعا ارنالعان 300-دەن استام ءبىلىم گرانتىن ەلىمىزدىڭ جوعارى وقۋ ورىندارىنا ءبولدى، دەپ حابارلايدى infohub.kz.
قۇجاتتاردى قابىلداۋ 5-10 تامىز ارالىعىندا وتەدى. گرانتقا ۇمىتكەرلەر ءتيىستى وقۋ ورنىنىڭ قابىلداۋ كوميسسياسىنا ءوتىنىش بەرۋى قاجەت.
گرانتتار مىنا جوعارى وقۋ ورىندارى مەن ءبىلىم باعدارلامالارى بويىنشا ءبولىندى:
ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى – كولىك قىزمەتتەرى.
ا. قۇسايىنوۆ اتىنداعى ەۋرازيا گۋمانيتارلىق ينستيتۋتى – مەكتەپكە دەيىنگى وقىتۋ جانە تاربيە.
حالىقارالىق استانا ۋنيۆەرسيتەتى – مەكتەپكە دەيىنگى وقىتۋ جانە تاربيە؛ باستاۋىش وقىتۋ پەداگوگيكاسى مەن ادىستەمەسى؛ فيزيكا، ماتەماتيكا، ينفورماتيكا، ورىس ءتىلى مەن ادەبيەتى، كوركەم ەڭبەك جانە سىزۋ مۇعالىمدەرىن دايارلاۋ؛ اقپاراتتىق تەحنولوگيالار.
اباي اتىنداعى قازاق ۇلتتىق پەداگوگيكالىق ۋنيۆەرسيتەتى – مەكتەپكە دەيىنگى وقىتۋ جانە تاربيە؛ باستاۋىش وقىتۋ پەداگوگيكاسى مەن ادىستەمەسى؛ ينفورماتيكا، ماتەماتيكا، فيزيكا مۇعالىمدەرىن دايارلاۋ؛ اقپاراتتىق تەحنولوگيالار؛ ارنايى پەداگوگتار دايارلاۋ (دەفەكتولوگ، لوگوپەد، تيفلوپەداگوگ، سۋردوپەداگوگ).
Esil University – ينفورماتيكا جانە ماتەماتيكا مۇعالىمدەرىن دايارلاۋ؛ اقپاراتتىق تەحنولوگيالار.