استانا اكىمى جەڭىس قاسىمبەك قالا تۇرعىندارى مەن قوناقتارىن قالالىق م ۇلىككە ۇقىپتى قاراۋعا شاقىرىپ، ۆاندالدار تۋرالى دا پىكىر ءبىلدىردى، دەپ حابارلايدى infohub.kz سايتى.
قاسىمبەك ءوز ۇندەۋىن Instagram-داعى رەسمي پاراقشاسىندا جاريالاپ، وندا ۆانداليزم جانە «قوعامدىق كەڭىستىككە قۇرمەتسىزدىك» فاكتىلەرىن اتاپ ءوتتى. ونىڭ ايتۋىنشا، كەيبىر ازاماتتار ايالداما پاۆيلوندارىن، قوقىس جاشىكتەرىن، ورىندىقتاردى، مۇسىندەردى جانە وزگە دە قالالىق م ۇلىكتى بۇزادى.
«قوعامدىق م ۇلىككە دەگەن كوزقاراس — جەكە مادەنيەت پەن تاربيەنىڭ كورسەتكىشى. قالادا سالىنىپ، اباتتاندىرىلىپ جاتقاننىڭ ءبارى ەڭ الدىمەن ادامداردىڭ قولايلىلىعى ءۇشىن جاسالادى. قالالىق ينفراقۇرىلىمدى ءبۇلدىرىپ، قۇقىق بۇزۋشىلار تەك قالاعا عانا زيان كەلتىرىپ قويماي، بارلىق تۇرعىندار مەن ەلوردا قوناقتارىنا، سونىڭ ىشىندە كۇندە وسى كوشەلەرمەن جۇرەتىن ءوز تۋىستارى مەن جاقىندارىنا دا قولايسىزدىق تۋعىزادى»، — دەلىنگەن جازبادا.
اكىمنىڭ دەرەگىنشە، بوتەن جانە كوممۋنالدىق م ۇلىكتى بۇلدىرگەنى نەمەسە جويعانى ءۇشىن 143 ادام جاۋاپكەرشىلىككە تارتىلعان، سونداي-اق ورتاق پايدالانۋ ورىندارىن لاستاۋعا بايلانىستى 928 اكىمشىلىك قۇقىق بۇزۋشىلىق تىركەلگەن.
«قوعامعا جات ارەكەتتەر قىلمىستىق جاۋاپكەرشىلىككە تارتۋعا دەيىن قاتاڭ جازالاناتىن بولادى. سونداي-اق كامەلەتكە تولماعان قۇقىق بۇزۋشىلاردىڭ اتا-انالارى دا جاۋاپكەرشىلىككە تارتىلادى. بارلىق تۇرعىندار مەن ەلوردا قوناقتارىن ءبىز ءوزىمىز، تۋىستارىمىز بەن جاقىندارىمىز تۇراتىن قالامىزعا ۇقىپتى قاراۋعا شاقىرامىن»، — دەپ قورىتىندىلادى قاسىمبەك.