اقتوبە وبلىسىنىڭ وندىرۋشىلەرى استاناعا ەت، بالىق، كوكونىس جانە باسقا دا ءونىمنىڭ 200 توننادان استامىن اكەلەدى — جارمەڭكە 3 جانە 4 قازاندا وتەدى، دەپ حابارلايدى infohub.kz سايتى.
ەلوردا اكىمدىگىنىڭ مالىمەتىنشە، اقتوبە وبلىسىنان استاناعا 200 توننادان استام ازىق-ت ۇلىك جەتكىزىلەدى. جارمەڭكەگە وبلىستىڭ 12 اۋدانى مەن اقتوبە قالاسىنان 20-دان استام ءوندىرۋشى مەن وڭدەۋشى قاتىسادى.
جارمەڭكەدە ەت، ءسۇت ونىمدەرى، كوكونىس، بالىق، جۇمىرتقا، شۇجىق، ۇن مەن ماكارون جانە تاعى باسقا دا ونىمدەر ساتىلادى. قاتار شىعىس قازاقستان وبلىسىنىڭ وندىرۋشىلەرى دە ساۋدا جاسايدى. ولار 150 توننادان استام ءونىم اكەلەدى.
«ەلوردا تۇرعىندارى ەت، ءسۇت جانە بالىق ونىمدەرىن، كوكونىس پەن باسقا دا تاۋارلاردى نارىق باعاسىنان 15–20 پايىز ارزان الا الادى. جارمەڭكەدە ءونىمدى «ايس+»، «اگروفيرما تاۋ»، «نوۆو-الدجانسكي مەلكومبينات»، «رامازان»، «ايبەك» اكك، «ستەپنوە»، «روكوس»، «يزەت گرين حاۋس»، «گرينحاۋس كازاحستان»، «گلوبال ماستەر گرۋپپ» جانە ءوڭىردىڭ باسقا دا كاسىپورىندارى ۇسىنادى»، — دەدى اكىمدىكتە.
جارمەڭكە يپپودروم اۋماعىندا، قارقارالى كوشەسى، 1 مەكەنجايى بويىنشا وتەدى. ول تاڭعى 7:00-دەن كەشكى 18:00-گە دەيىن جۇمىس ىستەيدى.
بۇعان دەيىن ساۋدا جانە ينتەگراسيا مينيسترلىگى جىل باسىنان بەرى الەۋمەتتىك ماڭىزى بار ازىق-ت ۇلىك باعاسى وتكەن جىلعى 7،9%-بەن سالىستىرعاندا نەبارى 1،4%-عا وسكەنىن حابارلاعان بولاتىن.