استانادا 18 ماۋسىمنان باستاپ 2026 جىلدىڭ سوڭىنا دەيىن الماتى كوشەسىنىڭ اقمەشىت كوشەسىنەن تۇركىستان كوشەسىنە دەيىنگى ۋچاسكەسىندە كولىك قوزعالىسى تولىعىمەن جابىلادى. بۇل تۋرالى infohub.kz استانا اكىمدىگىنىڭ رەسمي سايتىنا سىلتەمە جاساپ حابارلايدى.
سونىمەن قاتار، 20 شىلدەدەن 2026 جىلدىڭ سوڭىنا دەيىن الماتى كوشەسىنىڭ اقمەشىت كوشەسىنەن ساۋران كوشەسىنە دەيىنگى ۋچاسكەسىندە كولىك قوزعالىسى تولىعىمەن جابىلادى.
ال الماتى كوشەسىنىڭ ساۋران، اقمەشىت جانە تۇركىستان كوشەلەرىمەن قيىلىستارى اشىق قالادى.
مۇنداي شەكتەۋلەر الماتى كوشەسىنىڭ ماڭگىلىك ەل داڭعىلىنان ساۋران كوشەسىنە دەيىنگى ۋچاسكەسىندە كولىك توننەلىنىڭ قۇرىلىسىنا بايلانىستى ەنگىزىلىپ وتىر.
اۆتوموبيل جۇرگىزۋشىلەرى مەن جاياۋ جۇرگىنشىلەرگە جول ءجۇرۋ باعدارىن الدىن الا جوسپارلاۋ ۇسىنىلادى. قاۋىپسىزدىكتى قامتاماسىز ەتۋ جانە قولايسىزدىقتى ازايتۋ ءۇشىن اتالعان ۋچاسكەلەردە ۋاقىتشا جول بەلگىلەرى مەن باعىتتاۋىشتار ورناتىلادى.