استانادا كونتەنت ءتۇسىرۋ ءۇشىن قالا بويىنشا اتپەن جۇرگەن ەر ادام اكىمشىلىك جاۋاپكەرشىلىككە تارتىلدى، دەپ حابارلايدى infohub.kz سايتى.
پوليسيا دەپارتامەنتىنىڭ مالىمەتىنشە، ەلوردانىڭ 35 جاستاعى تۇرعىنى قالاداعى مەكەمەلەردىڭ بىرىنە ۆيدەو تۇسىرۋگە قاتىسقان. ول اتپەن ءجۇرىپ، جاياۋ جۇرگىنشىلەرگە كەدەرگى كەلتىرگەن.
پوليسيانىڭ ايتۋىنشا، ول ءارى قاراي «بايتەرەك» مونۋمەنتى اۋدانىنا بەت العاندا، ءبىر قيىلىستا جانۋار تروتۋاردى لاستاپ، كوگالداردى زاقىمداعان. وسىلايشا، اباتتاندىرۋ سالاسىنداعى زاڭ تالاپتارى بۇزىلعان.
ەكى قۇقىق بۇزۋشىلىق بويىنشا دا ەر ادام اكىمشىلىك جاۋاپكەرشىلىككە تارتىلدى.
پوليسيا ەلوردا تۇرعىندارى مەن قوناقتارىن ق ر زاڭناماسىنىڭ تالاپتارىن ساقتاۋعا، اينالاسىنداعىلاردىڭ قۇقىقتارىن قۇرمەتتەۋگە جانە باسقا جول قوزعالىسىنا قاتىسۋشىلار مەن جاياۋ جۇرگىنشىلەرگە قولايسىزدىق نەمەسە ءقاۋىپ توندىرەتىن ارەكەتتەرگە جول بەرمەۋگە شاقىردى.