استانا جانە ونىڭ ماڭىنداعى تۇرعىندار ساپارلارىن مۇقيات جوسپارلاۋى كەرەك: بىرنەشە اۆتوبۋس باعىتتارى ەلوردا مەن قوسشى قالاسىنىڭ ءارتۇرلى اۋداندارىنداعى جول جۇمىستارىنا بايلانىستى ۋاقىتشا وزگەرتىلدى، دەپ حابارلايدى infohub.kz سايتى.
ماسەلەن، قوسشىداعى رەسپۋبليكا كوشەسىندەگى جوندەۋ جۇمىستارىنا بايلانىستى №302 اۆتوبۋس باعىتى ۋاقىتشا وزگەرتىلدى. ءدال وسى سەبەپتەن №303، №320 جانە №323 باعىتتارىنىڭ قوزعالىس سحەمالارى تۇزەتىلدى.
اقجول داڭعىلى اۋدانىنداعى جول جۇمىستارى №64 باعىتتىڭ قوزعالىسىنا اسەر ەتتى، ال قابانباي باتىر داڭعىلى اۋدانىنداعى جوندەۋ جۇمىستارى №21 اۆتوبۋس باعىتىنىڭ ۋاقىتشا وزگەرۋىنە سەبەپ بولدى. سونىمەن قاتار، اباي داڭعىلىنداعى جوندەۋگە بايلانىستى №14 باعىتى ۋاقىتشا وزگەرتىلدى.
تاعى ءبىر وزگەرىس استانا – قاراعاندى تاس جولىنداعى «ينتەرناسيونالنىي» تۇرعىن الابى ايالداماسىنا قاتىستى. كىرەبەرىس جولدىڭ جابىلۋىنا بايلانىستى اۆتوبۋستار بۇل ايالدامادا ۋاقىتشا جولاۋشىلاردى وتىرعىزبايدى جانە تۇسىرمەيدى.
وزگەرىستەر تۇران داڭعىلىنداعى جولاۋشىلاردى وتىرعىزۋ ۇيىمىنا دا اسەر ەتتى. «The Square» بو جانە «بارىس ارەنا» ايالدامالارىندا بۇقار جىراۋ كوشەسى باعىتىندا (ورىنبور كوشەسى جاعىنان) №26، 40، 42، 67، 501 اۆتوبۋستارى ەندى ايالداما قالتاسىنا كىرمەيدى. ءقازىر جولاۋشىلاردى وتىرعىزۋ جانە ءتۇسىرۋ تىكەلەي جول جيەگىنەن جۇزەگە اسىرىلادى.