قازاقستان استاناسىندا قوعامدىق كولىكتە قىمبات تۇراتىن تەحنيكا جوعالعان ەكى وقيعا تىركەلدى. الايدا پوليسيا قىزمەتكەرلەرىنىڭ جەدەل ارەكەتىنىڭ ارقاسىندا ەكى قۇرىلعى دا يەلەرىنە قايتارىلدى، دەپ حابارلايدى infohub.kz سايتى.
NUR.KZ اگەنتتىگىنىڭ استانا قالالىق پوليسيا دەپارتامەنتىنە سىلتەمە جاساپ حابارلاۋىنشا، العاشقى ءوتىنىش اۆتوبۋسپەن ءجۇرىپ بارا جاتىپ iPhone سمارتفونىنان ايىرىلعان قالا تۇرعىنىنان تۇسكەن.
«الدىن الا دەرەكتەرگە قاراعاندا، ايەل قۇرىلعىنى اۆتوبۋس سالونىندا ابايلاماي ءتۇسىرىپ العان. كەيىن ونى سول جەردە بولعان جاس جىگىت الىپ كەتكەن. جەدەل ىزدەستىرۋ ءىس-شارالارى بارىسىندا پوليسيا قىزمەتكەرلەرى ونىڭ جەكە باسىن انىقتاپ، تاۋىپ الدى. ناتيجەسىندە تەلەفون تابىلىپ، يەسىنە امان-ەسەن قايتارىلدى»، — دەلىنگەن ۆەدومستۆو حابارلاماسىندا.
وسىعان ۇقساس وقيعا استانانىڭ تاعى ءبىر تۇرعىنىمەن دە بولدى. ەر ادام مارشرۋتتىق اۆتوبۋستىڭ ارتقى ورىندىعىنا كوك سومكەدەگى نوۋتبۋگىن قالدىرىپ كەتكەن. شامامەن ون مينۋتتان كەيىن كولىك جۇرگىزۋشىسى قالدىرىلعان تەحنيكانىڭ ورنىندا جوق ەكەنىن بايقاعان.
جەدەل ىزدەستىرۋ ءىس-شارالارى بارىسىندا ءتارتىپ ساقشىلارى جوعالعان نوۋتبۋكتىڭ ورنالاسقان جەرىن انىقتاپ، تاپتى.
پوليسيا ازاماتتارعا قوعامدىق كولىكتە نەمەسە باسقا دا جەرلەردە جەكە زاتتارىن جوعالتقان جاعدايدا قۇقىق قورعاۋ ورگاندارىنا ۋاقتىلى جۇگىنۋ قاجەتتىگىن ەسكە سالدى.
«ەگەر قوعامدىق كولىكتە نەمەسە باسقا جەردە جەكە زاتتارىڭىزدى جوعالتساڭىز، پوليسياعا ۋاقتىلى جۇگىنىپ، بارلىق بەلگىلى ءمان-جايلاردى حابارلاۋ ماڭىزدى. بۇل م ۇلىكتى ىزدەۋ بويىنشا قاجەتتى شارالاردى جەدەل قابىلداۋعا كومەكتەسەدى»، — دەپ اتاپ ءوتتى ۆەدومستۆودا.