استاناداعى اۆتوسالونداردىڭ ءبىرىنىڭ ساتۋ جونىندەگى مەنەدجەرى ەكى كولىك يەسىن Changan CS55 Plus جانە Toyota Camry اۆتوموبيلدەرىن ءۇشىنشى تۇلعاعا قايتا رەسىمدەۋگە كوندىرىپ، ساتۋدان تۇسكەن قاراجاتتى يەمدەنىپ كەتكەن، دەپ حابارلايدى infohub.kz سايتى.
استانا پروكۋراتۋراسىنىڭ مالىمەتىنشە، زارداپ شەككەندەر كولىكتەرىن كەيىن ساتۋ ءۇشىن اۆتوسالونعا تاپسىرعان. مەنەدجەر ساتىپ الۋشىلاردى تاۋىپ قويعانىن ايتىپ، يەلەرىن كولىكتەردى ءۇشىنشى تۇلعاعا اۋدارۋعا كوندىرىپ، اقشانى بىرنەشە كۇننەن كەيىن الاتىندارىنا سەندىرگەن.
قايتا رەسىمدەۋدەن كەيىن ەر ادام اقشانى ءوز قالاۋىنشا جۇمساعان. كولىك يەلەرىنە كەلتىرىلگەن جالپى شىعىن 23 ميلليون تەڭگەنى قۇرادى.
سوت وتىرىسىندا ايىپتالۋشى كىناسىن تولىق مويىنداپ، وكىنىش ءبىلدىردى. سوت ونى الاياقتىق ءۇشىن كىنالى دەپ تانىپ، 3 جىل 4 ايعا باس بوستاندىعىنان ايىرۋ جازاسىن كەستى. سونداي-اق زارداپ شەككەندەردىڭ ماتەريالدىق شىعىندى وتەۋ تۋرالى ازاماتتىق تالاپتارى قاناعاتتاندىرىلدى. ۇكىم زاڭدى كۇشىنە ەندى.
پروكۋراتۋرا م ۇلىكتىك قىلمىستار م ۇلىكتى تاركىلەي وتىرىپ، 7 جىلعا دەيىن باس بوستاندىعىنان ايىرۋ جازاسىنا اكەپ سوعۋى مۇمكىن ەكەنىن ەسكە سالدى.