استانانىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى قالا جولىندا دريفت جاساعان BMW جۇرگىزۋشىسىنە 10 تاۋلىك اكىمشىلىك قاماۋ جازاسىن تاعايىندادى. ەر ادام ۇساق بۇزاقىلىق جاساعانى ءۇشىن كىنالى دەپ تانىلدى، دەپ حابارلايدى infohub.kz سايتى.
وقيعا 16 قىركۇيەكتە ساعات 14:00 شاماسىندا بولعان. ءىس ماتەريالدارىنا سايكەس، جۇرگىزۋشى كولىكتى ادەيى باسقارىلاتىن سىرعاناۋعا جىبەرگەن.
سوت جۇرگىزۋشىنىڭ ارەكەتىمەن جول قوزعالىسى قاۋىپسىزدىگىنە ءقاۋىپ توندىرگەنىن، قوعامدىق ءتارتىپتى بۇزعانىن جانە ادەيى شاقىراتىن، اگرەسسيۆتى جۇرىسىمەن اينالاسىنداعىلارعا قۇرمەتسىزدىك كورسەتكەنىن انىقتادى.
ەر ادام كىناسىن تولىق مويىنداپ، ءوز ارەكەتىنىڭ ساراپتاماسىمەن كەلىسىپ، وكىندى. قۇقىق بۇزۋشىلىق ءمان-جايىن حاتتاما، بەينەجازبا جانە ينسپەكتوردىڭ بايانى راستادى.
سونىمەن قاتار بۇعان دەيىن جۇرگىزۋشى جول بەلگىلەرى نەمەسە تاڭبالاۋ تالاپتارىن ساقتاماعانى ءۇشىن جازانى كوزدەيتىن اقبتك-نىڭ 601-بابى بويىنشا اكىمشىلىك جاۋاپكەرشىلىككە تارتىلعان.
«ءىستىڭ ءمان-جايىن ەسكەرە وتىرىپ، سوت ت.-عا 10 تاۋلىك اكىمشىلىك قاماۋ جازاسىن تاعايىندادى»، — دەدى سوتتا.
ءىس اقبتك-نىڭ 434-بابىنىڭ 1-بولىگى — ۇساق بۇزاقىلىق بويىنشا قارالدى. بۇل نورما 20 اەك مولشەرىندە ايىپپۇل، 20-دان 60 ساعاتقا دەيىنگى قوعامدىق جۇمىستار نە بەس تاۋلىكتەن 15 تاۋلىككە دەيىنگى اكىمشىلىك قاماۋ جازاسىن كوزدەيدى.
سوت قاۋلىسى ازىرگە زاڭدى كۇشىنە ەنگەن جوق.
بۇعان دەيىن «كۋرسيۆ» الماتىدا ەر ادام قۋعىن بارىسىندا 500 ملن تەڭگە تۇراتىن ەسىرتكىنى لاقتىرىپ تاستاعانىن جازعان.