قازاقستان استاناسىندا جول-كولىك وقيعاسى بولىپ، سالدارىنان ەلەكتروساموكات تىزگىنىندەگى كامەلەتكە تولماعان ءجاسوسپىرىم زارداپ شەكتى، دەپ حابارلايدى infohub.kz.
وقيعا كەشە، 13 تامىزدا بولعان. HALYQSTAN Telegram-ارناسىندا جاريالانعان كۋاگەرلەردىڭ ايتۋىنشا، ءۇش ءجاسوسپىرىم ساموكاتتارىمەن قوعامدىق كولىككە ارنالعان جولاقپەن كەلە جاتقان قوزعالىسقا قارسى باعىتتا ءجۇرىپ كەلە جاتقان. اۆتوبۋس ايالداماعا كىرە باستاعاندا، ەكى جىگىت ونىمەن جيەك اراسىنان ءوتىپ ۇلگەرگەن، ال ءۇشىنشىسى مانەۆر جاساي الماي، كولىك دوڭگەلەگىنىڭ استىندا قالعان. سوقتىعىسۋ سالدارىنان ساموكات اۆتوبۋستىڭ استىندا قالىپ، كولىكتىڭ الدىڭعى اينەگى سىنعان.
استانا پوليسيا دەپارتامەنتىنىڭ ءباسپاسوز قىزمەتى جكو فاكتىسىن راستاپ، ءمان-جايدى ناقتىلادى. Yutong ماركالى مارشرۋتتىق اۆتوبۋستىڭ جۇرگىزۋشىسى تۇركىستان كوشەسىمەن كەلە جاتىپ، ايالداما كەشەنىنە كىرۋ كەزىندە قوعامدىق كولىككە ارنالعان جولاقپەن قارسى باعىتتا ساموكاتپەن كەلە جاتقان ءجاسوسپىرىمدى قاعىپ كەتكەن.
زارداپ شەككەن ادام مەديسينالىق مەكەمەگە جەتكىزىلىپ، دارىگەرلەر تەكسەرگەننەن كەيىن امبۋلاتوريالىق ەمدەۋگە جىبەرىلدى. قازىرگى ۋاقىتتا پوليسيا بۇل فاكتى بويىنشا تەكسەرۋ جۇرگىزۋدە.