ەلوردادا توتەنشە وقيعا بولدى: فۋتبول الاڭىندا جاتتىعۋ كەزىندە كامەلەتكە تولماعان سپورتشىنىڭ ۇستىنە قاقپا قۇلادى. وقيعا كەشە بولدى، زارداپ شەككەن بالا دەرەۋ اۋرۋحاناعا جەتكىزىلىپ، قاجەتتى كومەك كورسەتىلۋدە، دەپ حابارلايدى infohub.kz.
قازاقستان فۋتبول فەدەراسياسى (قفف) رەسمي مالىمدەمە جاساپ، بۇل وقيعاعا بايلانىستى قاتتى الاڭداۋشىلىق ءبىلدىردى. فەدەراسيانىڭ سايتىندا جاريالانعان ماتىندە تراگەديا جەكە فۋتبول مەكتەبى جاتتىعۋ وتكىزۋ ءۇشىن جالداعان الاڭدا بولعانى ايتىلعان.
«الدىن الا اقپارات بويىنشا، جاتتىعۋ كەزىندە بالانىڭ ۇستىنە فۋتبول قاقپاسى قۇلادى. زارداپ شەككەن ادام مەديسينالىق مەكەمەگە جەتكىزىلىپ، قاجەتتى مەديسينالىق كومەك كورسەتىلۋدە»، — دەلىنگەن قفف مالىمدەمەسىندە.
فەدەراسيا بالا مەن ونىڭ وتباسىنا قيىن ساتتە تولىق قولداۋ كورسەتەتىنىن جەتكىزدى. سونىمەن قاتار، قفف نىسان مەن جابدىقتىڭ تەحنيكالىق جاعدايىنا ىشكى تەكسەرۋ باستاپ، وقيعانىڭ بارلىق ءمان-جايىن انىقتاپ جاتىر. فەدەراسيا وكىلدەرى وقيعانىڭ سەبەپتەرىن انىقتاۋدا قۇزىرلى ورگاندارعا تولىق جاردەمدەسۋگە دايىن ەكەنىن اتاپ ءوتتى.
«قازىرگى ۋاقىتتا قفف وقيعانىڭ بارلىق ءمان-جايىن انىقتاپ، نىسان مەن جابدىقتىڭ تەحنيكالىق جاعدايىنا ىشكى تەكسەرۋ جۇرگىزۋدە. فەدەراسيا سونداي-اق بارلىق قاجەتتى اقپاراتتى ۇسىنۋعا جانە وقيعانىڭ ءمان-جايىن انىقتاۋدا قۇزىرلى ورگاندارعا جاردەمدەسۋگە دايىن»، — دەپ قوستى ءباسپاسوز قىزمەتى.