استانادا بايقوڭىر اۋدانىنداعى بازاردا، ش. جيەنقۇلوۆا كوشەسىندە ورنالاسقان تاندىرحانادا گاز جارىلىسى بولدى. سالدارىنان ءۇش ادام زارداپ شەكتى، دەپ حابارلايدى infohub.kz.
الدىن الا مالىمەتتەر بويىنشا، جارىلىس كولەمى 50 ليتر بولاتىن كومپوزيتتىك گاز باللونىنىڭ ب ۇلىنۋىنەن بولعان.
«قۇتقارۋشىلار ءۇش زارداپ شەككەن ادامدى تاپتى. ولاردىڭ بارلىعى قاجەتتى كومەك كورسەتۋ ءۇشىن مەديسينالىق مەكەمەگە جەتكىزىلدى. جارىلىستان كەيىن توبە جابىنى مەن ەسىك ويىعىنىڭ ءبىر بولىگى قۇلادى»، — دەپ حابارلادى توتەنشە جاعدايلار مينيسترلىگىنىڭ ءباسپاسوز قىزمەتى.
ۆەدومستۆو ماماندارى وقيعانىڭ ءمان-جايى مەن سەبەپتەرىن انىقتاپ جاتىر.