استاناداعى ساياباقتىڭ بىرىندە بىرنەشە ءۇي ءيتى بالاعا شابۋىل جاسادى. وعان مەديسينالىق كومەك كورسەتىلدى. ەلوردا تۇرعىندارىنا يت سەرۋەندەتۋ ەرەجەلەرى مەن 1،7 ملن تەڭگەگە دەيىنگى ايىپپۇلدار ەسكەرتىلدى، دەپ حابارلايدى infohub.kz.
تەلەارنانىڭ مالىمەتىنشە، وقيعا كۇندىز ەلوردا ورتالىعىندا بولعان. يەلەرى يتتەرىن قارعىباۋسىز جۇگىرتۋگە جىبەرگەن، ءبىر ساتتە جانۋارلار اعاسىمەن بىرگە ويناپ جۇرگەن بالاعا ۇمتىلعان. يتتەر قاتتى ءۇرىپ، بالانى قورشاپ، قورقىتقان، ناتيجەسىندە بالا شوپكە قۇلاعان.
دارىگەرلەردىڭ ايتۋىنشا، تىرناقتارعا ءيتتىڭ سىلەكەيى تۇسكەندىكتەن، زارداپ شەككەنگە جارانى وڭدەپ، قۇتىرماعا قارسى ۆاكسيناسيا كۋرسىن تاعايىنداعان. ۆەتەرينارلار تۇسىندىرگەندەي، قۇتىرماعا كۇدىك تۋعاندا يت 10 كۇندىك كارانتينگە جات قىزىلادى، ال يەسىنەن ۆاكسيناسيا پاسپورتى سۇرالادى. تىستەگەن جەرلەر بولماعانىمەن، بالا شوك كۇيدە، پسيحولوگتىڭ كومەگىنە مۇقتاج. پوليسيا يت يەلەرىن تەز ارادا تاپقان.
«استانادا ءۇي جانۋارلارىن ۇستاۋ جانە سەرۋەندەتۋ ەرەجەلەرى بويىنشا، سپورت، بالالار، ءبىلىم بەرۋ جانە مەكتەپكە دەيىنگى ۇيىمداردىڭ اۋماقتارىندا، سونداي-اق تىيىم سالاتىن بەلگىلەر بار جەرلەردە ءۇي جانۋارلارىن سەرۋەندەتۋگە بولمايدى. ءۇي جانۋارلارىنىڭ يەلەرى ءوز ءۇي جانۋارلارىن ۇزىندىعى 2 مەتردەن اسپايتىن قارعىباۋمەن سەرۋەندەتۋى ءتيىس. قاجەت بولعان جاعدايدا ولار جانۋارعا تۇمىلدىرىق كيگىزۋى كەرەك. سونداي-اق سەرۋەندەتۋ كەزىندە ولار اينالاداعى ادامداردىڭ قاۋىپسىزدىگىن قامتاماسىز ەتۋگە مىندەتتى»، — دەپ ءتۇسىندىردى استانا قالاسىنىڭ ەكولوگيا جانە تابيعات پايدالانۋ باسقارماسىنىڭ باس مامانى اسەم مۋسينا.
كۇزەت جانە شايقاس تۇقىمدى يتتەردى سەرۋەندەتۋ كەزىندە قاۋىپسىزدىككە ەرەكشە كوڭىل بولىنەدى: ولاردى تۇمىلدىرىق پەن قارعىباۋسىز شىعارۋعا بولمايدى، سونداي-اق ساياباقتارعا، سكۆەرلەرگە، بالالار جانە سپورت الاڭدارىنا، جاعاجايلارعا كىرۋگە تىيىم سالىنادى. سەرۋەندەتۋ ەرەجەلەرىن بۇزعانى جانە جانۋارلارعا قاتىگەزدىك جاساعانى ءۇشىن يەلەرىنە ايىپپۇل سالىنادى. ەگەر ءۇي جانۋارىنان ادامدار نەمەسە م ۇلىك زارداپ شەكسە، ايىپپۇل 400 اەك-كە (1،7 ملن تەڭگەدەن استام) جەتەدى.