استانا — قاراعاندى — الماتى رەسپۋبليكالىق ماڭىزداعى تاسجولىندا جاساندى ينتەللەكت ەلەمەنتتەرى بار كامەرالار جول-كولىك وقيعاسىنىڭ ءساتىن ءتۇسىرىپ الدى. اپاتتىق بەلگى جاعىلماي تۇرىپ قالعان كولىك قايعىلى جاعدايعا اكەپ سوقتىرا جازدادى، دەپ حابارلايدى infohub.kz سايتى.
«قازاۆتوجول» ۇلتتىق كومپانياسىنىڭ رەسمي Telegram-ارناسىندا حابارلانعانداي، جي-كامەرالار استانا — قاراعاندى — الماتى رەسپۋبليكالىق ماڭىزداعى تاسجولىنداعى جكو ءساتىن تىركەدى.
كادرلاردا جۇك كولىگىنىڭ تومەن جىلدامدىقپەن قوزعالىپ، كەيىن ءجۇرىس بولىگىندە توقتاعانى كورىنەدى. الايدا اپاتتىق جارىق سيگناليزاسياسى قوسىلماعان. ارتىنان كەلە جاتقان جەڭىل كولىك جۇك كولىگىمەن قاقتىعىستى.
سوققىدان جەڭىل كولىك ءجۇرىس بولىگىنەن شەتكە شىعىپ، اۋدارىلىپ ءتۇستى. وقيعانىڭ ءمان-جايىن قۇزىرلى ورگاندار انىقتاپ جاتىر.
«قازاۆتوجولدا» ەسكە سالعانداي، ءماجبۇرلى توقتاعان كەزدە دەرەۋ اپاتتىق سيگناليزاسيانى قوسىپ، جول قوزعالىسى ەرەجەلەرىنىڭ تالاپتارىنا سايكەس اپاتتىق توقتاۋ بەلگىسىن ورناتۋ قاجەت. سونداي-اق جۇرگىزۋشىلەر ءقاۋىپسىز قاشىقتىقتى ساقتاپ، الداعى جاعدايدى ۇنەمى باقىلاپ وتىرۋى ءتيىس.
ەسكە سالايىق، بۇعان دەيىن جي-كامەرالار استانا — تەمىرتاۋ تاسجولىنداعى اپاتتاردى تۇسىرگەن بولاتىن.