استانادا كەشە ەلوردانى شارپىعان داۋىل مەن قاتتى نوسەردەن كەيىن قورشاۋ تۇراقتا تۇرعان كولىكتەردىڭ ۇستىنە قۇلادى. وقيعاعا پوليسيا پىكىر ءبىلدىردى، دەپ حابارلايدى infohub.kz.
وقيعا ورنىنان تۇسىرىلگەن كادرلاردى Threads جەلىسىندەگى blessedkaz پايدالانۋشىسى جاريالادى. «بۇگىنگى داۋىلدان كەيىن Silkway City-دەگى قورشاۋ تۇراقتا تۇرعان كولىكتەرگە قۇلادى»، — دەپ جازدى ول. بەينەجازبادا مەتالل قورشاۋدىڭ بىرنەشە كولىكتىڭ ۇستىندە جاتقانى كورىنەدى.
پوليسيا كولىكتەردىڭ زاقىم العانىن راستادى. قازىرگى ۋاقىتتا تەكسەرىس جۇرگىزىلۋدە. «وسى فاكتى بويىنشا پوليسيا قىزمەتكەرلەرى وقيعا ورنىنا شىقتى. قاتتى جەلدىڭ سالدارىنان قورشاۋدىڭ تۇراقتا تۇرعان كولىكتەرگە قۇلاپ، ولاردىڭ مەحانيكالىق زاقىم العانى انىقتالدى. ءقازىر تەكسەرىس جۇرگىزىلىپ، وقيعانىڭ بارلىق ءمان-جايى انىقتالۋدا. تەكسەرىس ناتيجەسى بويىنشا قازاقستان رەسپۋبليكاسىنىڭ قولدانىستاعى زاڭناماسىنا سايكەس ءتيىستى شەشىم قابىلدانادى»، — دەپ مالىمدەدى استانا قالاسى «الماتى» اۋدانى پوليسيا باسقارماسى.
بۇعان دەيىن قاتتى نوسەر ەلوردانىڭ جولدارىن سۋ باسىپ، كولىكتەردىڭ جۇزۋگە ءماجبۇر بولعانى حابارلانعان ەدى. قالا تۇرعىندارى اۋا رايىنىڭ سالدارىنان تۇسىرىلگەن بەينەجازبالاردى الەۋمەتتىك جەلىدە بەلسەندى تۇردە ءبولىستى. كەيىنىرەك ءبىر كۇندە قالادا ايلىق نورمانىڭ 70 پايىزى جاۋىن-شاشىن تۇسكەنى انىقتالدى.