قازاقستان استاناسىندا 1 قازاننان باستاپ كەزەكشى حالىققا قىزمەت كورسەتۋ ورتالىقتارىنىڭ ءتىزىمى وزگەرەدى: ەكى حقو كەزەكشى بولادى، ال تاعى ەكەۋى ادەتتەگى كەستەگە ورالادى، دەپ حابارلايدى infohub.kz سايتى.
NUR.KZء-تىڭ «ازاماتتارعا ارنالعان ۇكىمەت» مەملەكەتتىك كورپوراسياسىنىڭ ەلوردالىق فيليالىنا سىلتەمە جاساپ حابارلاۋىنشا، 1 قازاننان باستاپ ماڭگىلىك ەل داڭعىلى، 30 مەكەنجايىندا ورنالاسقان «ەسىل» اۋدانىنىڭ №1 حقو-سى مەن كەرەي، جانىبەك حاندار كوشەسى، 4 مەكەنجايىنداعى «نۇرا» اۋدانىنىڭ حقو-سى كەزەكشى بولادى.
سونىمەن قاتار ەرمەك سەركىبايەۆ كوشەسى، 13 مەكەنجايىنداعى سارىارقا اۋدانىنىڭ №1 حقو-سى مەن يمانوۆ كوشەسى، 20 مەكەنجايىنداعى بايقوڭىر اۋدانىنىڭ حقو-سى ادەتتەگى جۇمىس كەستەسىنە كوشەدى: جۇمىس كۇندەرى ساعات 09:00-دەن 18:00-گە دەيىن، سەنبى مەن جەكسەنبى — دەمالىس كۇندەرى. بۇل تۋرالى مەملەكەتتىك كورپوراسيا فيليالىنىڭ حابارلاماسىندا ايتىلعان.
ەسكە سالايىق، كەزەكشى حقو-لار ازاماتتاردى دۇيسەنبىدەن جۇماعا دەيىن ساعات 09:00-دەن 20:00-گە دەيىن تۇسكى ءۇزىلىسسىز، ال سەنبىدە ساعات 09:00-دەن 13:00-گە دەيىن قابىلدايدى.
كەزەكشى ارنايى حقو-لاردىڭ مەكەنجايلارى وزگەرىسسىز قالادى. جۇمىس كۇندەرى ولار وتىنىشتەردى ساعات 09:00-دەن 18:00-گە دەيىن قابىلدايدى، دايىن قۇجاتتار ساعات 20:00-گە دەيىن بەرىلەدى. سەنبىدە وتىنىشتەر ساعات 09:00-دەن 12:00-گە دەيىن قابىلدانىپ، دايىن قۇجاتتار ساعات 13:00-گە دەيىن بەرىلەدى.