استاناداعى «سىعاناق» LRT ستانسياسىنىڭ توبەسىنەن جاڭبىردان كەيىن سۋ اقتى. City Transportation Systems كومپانياسى بۇل جاۋىن-شاشىنعا بايلانىستى ەمەس، ينجەنەرلىك جۇيەلەردى تەكسەرۋ كەزىندە بولعانىن مالىمدەدى، دەپ حابارلايدى infohub.kz.
كومپانيا وكىلدەرىنىڭ تۇسىندىرۋىنشە، سۋ اعۋ ىسكە قوسۋ-رەتتەۋ جۇمىستارى كەزىندە، ورتكە قارسى جۇيەلەردىڭ جابدىقتارىن تەكسەرۋ مەن باپتاۋ بارىسىندا ورىن العان. «بۇل – ينجەنەرلىك جۇيەلەردى ىسكە قوسۋ-رەتتەۋ جۇمىستارىنا بايلانىستى، ول كەزدە ورتكە قارسى جۇيەلەردىڭ جابدىقتارى تەكسەرىلىپ، باپتالادى»، — دەپ اتاپ ءوتتى CTS.
كومپانيادا مۇنداي جۇمىستار كەزىندە ءورت ءسوندىرۋ جۇيەلەرىنە قىزمەت كورسەتۋگە ارنالعان تەحنولوگيالىق ليۋكتەر اشىلاتىنىن، كەي جاعدايدا ولار ارقىلى ىلعال كىرۋى مۇمكىن ەكەنىن ناقتىلادى. «اتالعان جۇمىستاردى جۇرگىزۋ بارىسىندا ءورت ءسوندىرۋ جۇيەلەرىنە قىزمەت كورسەتۋگە ارنالعان تەحنولوگيالىق ليۋكتەر اشىلادى، ولار ارقىلى كەيبىر جاعدايلاردا ىلعالدىڭ ەنۋى ىقتيمال»، — دەپ قوستى كومپانيا وكىلدەرى.
قازىرگى ۋاقىتتا جاعدايدى جويۋ جانە قۇرىلىمنىڭ گەرمەتيكالىلىعىن قامتاماسىز ەتۋ بويىنشا شارالار قابىلدانۋدا. «قازىرگى تاڭدا جويۋ جانە ءتيىستى گەرمەتيكالىلىقتى قامتاماسىز ەتۋ ءۇشىن قاجەتتى شارالار قولدانىلۋدا. Tarlan Astana ادەتتەگى رەجيمدە جۇمىس ىستەپ تۇر»، — دەپ قورىتىندىلادى CTS.