اقمولا وبلىسىندا جارىم كەلىگە جۋىق التىن، ءتورت توننا كەنتاس جانە التى كەلى سىناپ تاركىلەنگەن جاسىرىن التىن وڭدەۋ سەحى جويىلدى، دەپ حابارلايدى infohub.kz.
اقمولا وبلىسى پروكۋراتۋراسىنىڭ قولداۋىمەن قارجى مونيتورينگى اگەنتتىگىنىڭ (قما) قىزمەتكەرلەرى شورتاندى اۋدانىندا قىمبات مەتالداردى زاڭسىز وندىرۋمەن اينالىسقان ءبىر توپ ادامدى قاماۋعا الدى. وپەراسيا بارىسىندا كەنتاستى ۇساقتاۋ جانە بالقىتۋ جابدىقتارى، سالماعى 446 گرامم التىن قۇيماسى، 4 توننا التىن قۇرامدى ماتەريال، 6 كگ سىناپ، سونداي-اق 2 ملن تەڭگەدەن استام جانە 8 مىڭ اقش دوللارى كولەمىندەگى اقشا قاراجاتى تاركىلەندى. بۇدان باسقا، اتىس قارۋى مەن وق-دارىلەر تابىلدى.
قازىرگى تاڭدا قۇقىققا قايشى ارەكەتكە قاتىسى بارلاردىڭ ءبارى انىقتالىپ، زاڭسىز وندىرىلگەن قىمبات مەتالداردىڭ كولەمى ەسەپتەلۋدە. ۇيىمداستىرۋشى قاماۋعا الىنىپ، تەرگەۋ جالعاسۋدا. قما ماماندارى قازاقستان رەسپۋبليكاسى قپك-نىڭ 201-بابىنا سايكەس باسقا اقپارات جاريا ەتىلمەيتىنىن مالىمدەدى.