استانا تۇرعىندارىن قالاداعى ماسالار مەن شىركەيلەردەن تۇنگى وڭدەۋ جۇرگىزىلەتىنى جايلى ەسكەرتتى، دەپ حابارلايدى infohub.kz سايتى.
اكىمدىكتىڭ مالىمەتىنشە، بۇگىنگە دەيىن 10 مىڭ گەكتار اۋماق وڭدەلگەن. دەزينسەكسيالىق شارالار كەزىندە ساقتىق شارالارىن ساقتاۋ ماڭىزدى: وڭدەلەتىن اۋماققا بارۋدى شەكتەۋ جانە وڭدەۋ كەزىندە تەرەزەلەردى جابۋ قاجەت.
جۇمىستار كۇن سايىن تۇنگى ۋاقىتتا — ساعات 21:00-دەن 05:00-گە دەيىن جۇرگىزىلەدى. وڭدەۋ قالا ورتالىعىنان باستالىپ، بىرتىندەپ شەتكى اۋداندارعا اۋىسادى، وندا قورعانىس بەلدەۋى قالىپتاسادى. ءبىر اينالىم 20 كۇنگە سوزىلادى، بارلىعى ماۋسىمدا التى كەزەڭ جوسپارلانعان.
اكىمدىكتە ماسالاردى تولىعىمەن جويۋ مۇمكىن ەمەس، ويتكەنى ولار ەكوجۇيەنىڭ ءبىر بولىگى ەكەنىن اتاپ ءوتتى. الايدا جۇرگىزىلىپ جاتقان شارالار ولاردىڭ سانىن 90%-عا دەيىن ازايتۋعا مۇمكىندىك بەرەدى.
وڭدەۋ ءۇشىن روتورلى بۇرىككىشتەر، ارنايى دەزينسەكسيالىق ماشينالار، قامىس وسىمدىكتەرى بار قيىن جەتەتىن ۋچاسكەلەرگە ارنالعان كۆادروكوپتەرلەر، سونداي-اق ءىرى سۋ ايدىندارىن وڭدەۋگە ارنالعان جابدىقتالعان قايىق پايدالانىلادى.
جۇمىستارعا دەزينسەكسيا بويىنشا 150-دەن استام مامان تارتىلدى. سونىمەن قاتار، بيلىك كسك، وسي، باسقارۋشى كومپانيالار مەن ءارتۇرلى نىسان يەلەرىن جەرتولە بولمەلەرىن وڭدەۋگە جانە جاندىكتەردىڭ كوبەيۋىنە قولايلى ورىنداردى جويۋعا شاقىردى.
بۇعان دەيىن اتىراۋدا ماسالارمەن كۇرەسكە دروندار تارتىلاتىنى حابارلانعان بولاتىن.