استانادا قازان ايىندا №2 كوپبەيىندى قالالىق اۋرۋحانا بازاسىندا قابىلداۋ-دياگنوستيكالىق كەشەننىڭ قۇرىلىسى اياقتالادى. جاڭا مەديسينالىق ورتالىق تاۋلىگىنە 850-دەن 1000-عا دەيىن ءوتىنىش قابىلداي الادى، دەپ حابارلايدى infohub.kz سايتى.
اشىلۋ جوسپارى تۋرالى دەنساۋلىق ساقتاۋ مينيسترلىگى مالىمدەدى. اۋدانى 7 مىڭ شارشى مەتردەن اساتىن بەس قاباتتى كەشەن دياگنوستيكالىق قىزمەتتەردى، وپەراسيالىق بولمەلەردى، تراۆماتولوگيانى جانە ينسۋلت ورتالىعىن بىرىكتىرەدى.
عيماراتتا 118 توسەك، ونىڭ ىشىندە 18 رەانيماسيالىق توسەك قاراستىرىلعان. ءارقايسىسى 40 توسەكتەن تۇراتىن جەكە پالاتالار ينسۋلت جانە اۋىر جاراقات العان پاسيەنتتەرگە ارنالعان. سونىمەن قاتار، مۇندا استانانىڭ سول جاعالاۋىنداعى ەرەسەك تۇرعىندارعا ارنالعان، تاۋلىگىنە 100-120 ادام قابىلدايتىن تراۆمپۋنكت اشىلادى.
ىشىندە جاڭا تۋعان نارەستەلەرگە شۇعىل كومەك كورسەتۋ ءۇشىن نەوناتالدىق ۇستەلدەر مەن تاسىمالداۋ كۋۆەزدەرى ورناتىلادى. بارلىعى اۋرۋحانادا 150 جۇمىس ورنى قۇرىلادى، ونىڭ 50ء-ى جاڭا.
نىسان مەملەكەت باسشىسىنىڭ تاپسىرماسى اياسىندا جەرگىلىكتى بيۋدجەت ەسەبىنەن سالىنىپ جاتىر. دياگنوستيكا مەن ەمدەۋ ءۇشىن كومپيۋتەرلىك توموگراف، قۋاتى 3 تەسلا مرت، انگيوگراف، رەنتگەن قوندىرعىلارى جانە ۋدز اپپاراتتارى ساتىپ الىندى. جاڭا وپەراسيالىق بولمەلەر كۇردەلى حيرۋرگيالىق ارالاسۋلارعا، ونىڭ ىشىندە اۋىر جاراقاتتار مەن تامىر اۋرۋلارىنا پايدالانىلادى.
كەشەننىڭ قۇرىلىسى مەن جابدىقتالۋ بارىسىمەن دەنساۋلىق ساقتاۋ ءمينيسترى اقمارال ءالنازاروۆا تانىستى. ول نىساندى قاراپ شىعىپ، دارىگەرلەرمەن ونىڭ پاسيەنتتەردى قابىلداۋعا دايىندىعىن تالقىلادى.
كەشەن جۇمىسىنىڭ باستى قاعيداتى — پاسيەنتتىڭ ءبىرىڭعاي مارشرۋتى: تۇسكەننەن جانە دياگنوستيكادان باستاپ وپەراسياعا جانە ودان ءارى ەمدەلۋگە دەيىن. ءارتۇرلى ساناتتاعى پاسيەنتتەر ءۇشىن جەكە كىرەبەرىستەر قاراستىرىلعان: اكۋشەرلىك پاسيەنتتەرگە، جالپى اعىنعا جانە تراۆمپۋنكتكە كەلۋشىلەرگە.
اۋرۋحانادا ءبىرىڭعاي سيفرلىق مونيتورينگ جۇيەسى ەنگىزىلۋدە. ول دارىگەرلەرگە وپەراسيالىق جانە رەانيماسيالىق بولىمشەلەردەگى پاسيەنتتەردىڭ جاعدايىن ورتالىقتاندىرىلعان باقىلاۋعا مۇمكىندىك بەرەدى.
بۇعان دەيىن Kursiv Health قازاقستاندا اۋىر جاراقاتتاردى ەمدەۋگە ارنالعان بۇيىمدار ءوندىرىسىن كەڭەيتۋ جوسپارلانىپ وتىرعانىن جازعان بولاتىن.