قازاقستان استاناسىندا اكىمشىلىك عيماراتتاردىڭ بىرىندە ادەپسىز وقيعا ۇيىمداستىرعان 68 جاستاعى ەر ادامعا قاتىستى ۇكىم شىعارىلدى، دەپ حابارلايدى infohub.kz سايتى.
استانا سوتتارىنىڭ مالىمەتىنشە، 24 تامىزدا مامانداندىرىلعان اۋدانارالىق اكىمشىلىك قۇقىق بۇزۋشىلىقتار سوتى ازامات ج.-عا قاتىستى ءىستى قارادى. ول ۇساق بۇزاقىلىق جاسادى دەپ ايىپتالدى. ءىس ماتەريالدارى بويىنشا، تاڭعى ساعات 09:28 شاماسىندا ج. ماڭگىلىك ەل داڭعىلىنداعى ازاماتتاردى قابىلداۋ ورتالىعىندا مەتالل ىزدەگىشتەن ءوتۋ كەزىندە شالبارىن شەشىپ، قوعامدىق ءتارتىپ پەن ازاماتتاردىڭ تىنىشتىعىن بۇزعان.
سوت وتىرىسىندا ج. ءوز كىناسىن مويىنداماي، بۇل ارەكەتىن ءازىل رەتىندە جاساعانىن ايتتى. الايدا ونىڭ كىناسى ءىس ماتەريالدارىمەن جانە وقيعانىڭ بەينەجازباسىمەن راستالدى.
اقبتك-نىڭ 434-بابىنىڭ 1-بولىگىنىڭ سانكسياسى 20 اەك مولشەرىندە ايىپپۇل سالۋدى، نە 20 ساعاتتان 60 ساعاتقا دەيىنگى مەرزىمگە قوعامدىق جۇمىستارعا تارتۋدى، نە 5 تاۋلىكتەن 10 تاۋلىككە دەيىنگى مەرزىمگە اكىمشىلىك قاماۋعا الۋدى كوزدەيدى. جازا تاعايىنداۋ كەزىندە سوت جاسالعان ارەكەتتىڭ دارەجەسى مەن سيپاتىن، ياعني لايىقسىز مىنەز-ق ۇلىق پەن قوعامعا اشىق قۇرمەتسىزدىك تانىتۋدى ەسكەردى. سونىمەن قاتار، سوت اقبتك-نىڭ 50-بابىنا سايكەس اكىمشىلىك قاماۋ 63 جاستان اسقان ادامدارعا قولدانىلمايتىنىن نازارعا الدى.
سوت قاۋلىسىمەن ج. اقبتك-نىڭ 434-بابىنىڭ 1-بولىگىندە كىنالى دەپ تانىلىپ، 86 500 تەڭگە (20 اەك) مولشەرىندە ايىپپۇل تۇرىندەگى اكىمشىلىك جازاعا تارتىلدى. قاۋلى زاڭدى كۇشىنە ەنگەن جوق.