استانادا قاتتى نوسەر سالدارىنان جولدارداعى كولىكتەر سۋعا تولىپ، قۇتقارۋشىلار ولاردى شىعارۋعا كومەكتەسۋدە. بۇل تۋرالى infohub.kz سايتى حابارلايدى.
توتەنشە جاعدايلار مينيسترلىگىنىڭ ءباسپاسوز قىزمەتىنىڭ مالىمەتىنشە، قاتتى نوسەردەن كەيىن ۆەدومستۆو بولىمشەلەرى قالالىق قىزمەتتەرمەن بىرلەسىپ، ەلوردانىڭ جەكەلەگەن ۋچاسكەلەرىندە جۇمىس ىستەۋدە. قۇتقارۋشىلار ازاماتتارعا قاجەتتى كومەك كورسەتىپ، سۋ باسقان جول ۋچاسكەلەرىنەن كولىكتەردى شىعارۋعا كومەكتەسىپ، سونداي-اق كولىكتەردىڭ ءقاۋىپسىز ءجۇرۋىن قامتاماسىز ەتۋدە.
ەلوردا تۇرعىندارى مەن قوناقتارىنا قاۋىپسىزدىك شارالارىن ساقتاۋ، وتە قاجەت بولماسا سۋ باسقان جول ۋچاسكەلەرىنە شىقپاۋ جانە رەسمي اقپاراتتى قاداعالاۋ ۇسىنىلادى. بۇعان دەيىن استاناعا قاتتى نوسەر جاۋىپ، قالانىڭ كوممۋنالدىق قىزمەتتەرى كۇشەيتىلگەن رەجيمگە كوشىرىلگەنى حابارلانعان بولاتىن. اكىمدىك شاعىن سۋ باسۋلار بولۋى مۇمكىن ەكەنىن ەسكەرتكەن.