استانادا قارجى پيراميداسىن قۇرىپ، 100-دەن استام ازاماتتى الداعان ۇيىمداسقان قىلمىستىق توپ مۇشەلەرى سوتتالدى، دەپ حابارلايدى infohub.kz.
سوت انىقتاعانداي، قىلمىستىق توپ قۇرامىنا رولدەرى ناقتى بولىنگەن 10-نان استام ادام كىرگەن. الاياقتار 1-دەن 2 ملن تەڭگەگە دەيىن اقشالاي سىياقى تولەيتىنىن ايتىپ، ازاماتتاردى كولىك نەسيەسىن راسىمدەۋگە كوندىرىپ، نەسيە مىندەتتەمەلەرىن وزدەرى وتەيتىنىن ۋادە ەتكەن. الايدا الىنعان كولىكتەر زاڭسىز ساتىلىپ، ونىڭ ىشىندە قازاقستاننان تىس جەرلەرگە شىعارىلعان.
پروكۋراتۋرانىڭ مالىمەتىنشە، قىلمىستىق ارەكەت سالدارىنان 100-دەن استام ازامات زارداپ شەككەن دەپ تانىلىپ، 165 كولىك راسىمدەلگەن.
«سوت ۇكىمىمەن كىنالىلەر ۇيىمداسقان قىلمىستىق توپ قۇرۋ جانە ونى باسقارۋ، قارجى پيراميداسىن قۇرۋ جانە باسقارۋ، سونداي-اق الاياقتىق ءۇشىن سوتتالدى. ولارعا 5 جىلدان 8 جىلعا دەيىن باس بوستاندىعىنان ايىرۋ جازاسى تاعايىندالدى»، — دەدى پروكۋراتۋرادا.
سونداي-اق، زارداپ شەككەندەردىڭ ازاماتتىق تالاپتارى قاناعاتتاندىرىلعانى حابارلاندى.