بۇگىن، 6 قىركۇيەكتە، استانادا سالىنىپ جاتقان تۇرعىن ۇيدە ءورت بولدى. قۇتقارۋشىلار ءورتتى جەدەل تۇردە ءسوندىردى، دەپ حابارلايدى infohub.kz.
توتەنشە جاعدايلار مينيسترلىگىنىڭ مالىمەتىنشە، وت سارايشىق اۋدانىنداعى سالىنىپ جاتقان 12 قاباتتى عيماراتتى شارپىعان. وقيعا ورنىنا العاشقى بولىمشەلەر كەلگەندە، ءبىرىنشى قاباتتان جەتىنشى قاباتقا دەيىن جىلىتقىش ماتەريال اشىق جالىنمەن جانعانى انىقتالدى.
ۆەدومستۆو: "دەرەۋ ءورت ءسوندىرۋ وقپاندارى بەرىلدى. ءورتتى تولىق ءسوندىرۋ جۇمىستارى جۇرگىزىلۋدە. سۋدىڭ ۇزدىكسىز بەرىلۋى قامتاماسىز ەتىلدى"، - دەپ اتاپ ءوتتى.
ساعات 14:50-دە ءورت تولىعىمەن ءسوندىرىلدى. زارداپ شەككەندەر جوق.
ەسكە سالايىق، بۇعان دەيىن ەڭبەك جانە حالىقتى الەۋمەتتىك قورعاۋ مينيسترلىگى استاناداعى قۇرىلىس الاڭدارىنداعى قاۋىپسىزدىك باقىلاۋىن كۇشەيتەتىنىن مالىمدەگەن بولاتىن. بۇل ەكى وقيعادان كەيىن بولدى: 27 تامىزدا قۇرىلىس كرانى قۇلاپ، كران ءماشينيسى قازا تاپتى، ال 31 تامىزدا مۇنارالى كران قۇلاعاندا ءبىر ادام قازا تاۋىپ، ەكى ادام زارداپ شەكتى.