استانا – پەتروپاۆل تاسجولىندا بولعان ورتتەن امان قالعان ەر ادامنىڭ جاعدايى وتە اۋىر. ءقازىر ول اقكول اۋداندىق اۋرۋحاناسىنىڭ جانساقتاۋ بولىمىندە ەم قابىلداپ جاتىر. بۇل تۋرالى infohub.kz سايتى dalanews.kz-كە سىلتەمە جاساپ حابارلادى.
اقمولا وبلىستىق دەنساۋلىق ساقتاۋ باسقارماسىنىڭ مالىمەتىنشە، ناۋقاستىڭ دەنەسىنىڭ كوپ بولىگىن كۇيىك شالعان. سوندىقتان ونى باسقا مەديسينالىق مەكەمەگە تاسىمالداۋ ازىرگە مۇمكىن ەمەس.
«ناۋقاس جانساقتاۋ بولىمىندە وتە اۋىر جاعدايدا جاتىر. دەنەسىنىڭ زاقىمدانۋ اۋماعى ۇلكەن بولعاندىقتان، ونى تاسىمالداۋعا كەلمەيدى. قازىرگى ۋاقىتتا ناۋقاستا كۇيىك شوگى بايقالادى»، — دەپ حابارلادى باسقارما وكىلدەرى.
دارىگەرلەر زارداپ شەككەن ازاماتتىڭ جاعدايىن تۇراقتاندىرۋ ءۇشىن قاجەتتى مەديسينالىق كومەك كورسەتىپ جاتىر.