17 قىركۇيەك كۇنى كەشكە قازاقستان استاناسىنداعى تۇرعىن ۇيلەردىڭ ءبىرىنىڭ اۋلاسىندا وق اتىلىپ، پوليسيا قىزمەتكەرلەرى بولعان وقيعانىڭ ءمان-جايىن جاريالادى، دەپ حابارلايدى infohub.kz سايتى.
استانا قالالىق پوليسيا دەپارتامەنتى NUR.KZ تىلشىسىنە حابارلاعانداي، 17 قىركۇيەك كۇنى كەشكە پوليسياعا تۇرعىن ۇيلەردىڭ ءبىرىنىڭ اۋلاسىندا وق اتىلعانى تۋرالى شاقىرتۋ تۇسكەن.
«وقيعا ورنىنا پاترۋلدىك پوليسيا ەكيپاجدارى جەدەل جەتتى. الدىن الا انىقتالعانداي، تۇرعىن ءۇي اۋلاسىندا ماس كۇيدەگى جاسوسپىرىمدەر توبى بولىپ، ولار وزدەرىن اگرەسسيۆتى ۇستاعان. ءۇي تۇرعىندارىنىڭ ءبىرى قۇقىققا قارسى ارەكەتتەردىڭ الدىن الۋ ماقساتىندا گاز تاپانشاسىنان اۋەگە ەسكەرتۋ وعىڭ اتىپ جىبەرگەن»، — دەدى ۆەدومستۆودا.
بارلىق قاتىسۋشىلار وقيعا ورنىندا ۇستالىپ، پوليسياعا جەتكىزىلدى. قۇقىق بۇزۋشىلارعا زاڭناماعا سايكەس شارا قولدانىلاتىن بولادى.
«تۇرعىنداردىڭ جارالانعانى تۋرالى اقپارات شىندىققا سايكەس كەلمەيدى. كورىنەۋ جالعان اقپارات تاراتقانى ءۇشىن جاۋاپكەرشىلىك قاراستىرىلعانىن ەسكەرتەمىز. ازاماتتاردى رەسمي دەرەككوزدەرگە سەنۋگە شاقىرامىز»، — دەدى پوليسيادا.
وقيعا ورنىنان تۇسىرىلگەن بەينەجازبانى Halyqstan Telegram-ارناسى جاريالادى.