استانادا پوليسيا 32 جاستاعى ەر ادامعا رۇقسات ەتىلمەگەن جەردە سالقىنداعىسى كەلگەنى ءۇشىن ايىپپۇل سالدى. ءتارتىپ ساقشىلارى قۇقىق بۇزۋشىمەن اڭگىمە وتكىزدى، دەپ حابارلايدى infohub.kz.
ەسىل وزەنىندەگى «جاسىل توعاي-1» اۋدانىنداعى قالالىق دامبادا سالقىنداعىسى كەلگەن ەر ادامنىڭ ۆيدەوسى تەز ارادا تانىمال بولىپ، كوپ قارالىم جينادى. كادرلاردا ەر ادامنىڭ قالالىق دامبا ماڭىندا سەرۋەندەپ جۇرگەنى كورىنەدى.
«+40 ىستىقتا ەڭ جاقسى كونديسيونەر تابىلدى»، — دەپ جازدى @batyrzhan.zhunusov بەينەجازبانىڭ استىنا.
بەينەجازبا ءتارتىپ ساقشىلارىنىڭ دا نازارىن اۋداردى. استانا قالاسى سارىارقا اۋدانى پوليسيا ءبولىمىنىڭ حابارلاۋىنشا، وسى فاكتى بويىنشا 32 جاستاعى ەلوردا تۇرعىنى جالپى سۋ پايدالانۋ ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتىلدى.
«قۇقىق بۇزۋشىمەن پروفيلاكتيكالىق اڭگىمە جۇرگىزىلدى. پوليسيا «زاڭ جانە ءتارتىپ» قاعيداتى اياسىندا كەز كەلگەن قۇقىق بۇزۋشىلىقتىڭ دەر كەزىندە جولى كەسىلەتىنىن ەسكەرتەدى»، — دەپ ءتۇسىندىردى ۆەدومستۆو.