استانا قالاسىنىڭ پروكۋراتۋراسى ازاماتتارعا كەڭ تارالعان الاياقتىق سحەمالارى تۋرالى ماڭىزدى ەسكەرتۋ جاساپ، الدانىپ قالماۋ جولدارىن ۇسىندى، دەپ حابارلايدى infohub.kz.
قازىرگى ۋاقىتتا قىزمەت كورسەتۋ نەمەسە جۇمىس ورىنداۋ دەگەن جەلەۋمەن الدىن الا تولەم الىپ، كەيىن مىندەتتەمەلەردى ورىنداماۋ، ساتىپ الۋ-ساتۋ مامىلەلەرىن جاساۋ كەزىندە الداۋ، سونداي-اق م ۇلىكتى جالعا بەرۋ كەزىندە اقشا قاراجاتىن ۇرلاۋ جاعدايلارى ءجيى كەزدەسەدى.
سيفرلىق تەحنولوگيالاردىڭ دامۋىنا بايلانىستى ينتەرنەت-الاياقتىق كەڭ تارالدى. قىلمىسكەرلەر الەۋمەتتىك جەلىلەر مەن مەسسەندجەرلەردى (Instagram، WhatsApp، Telegram)، جالعان ينتەرنەت-سايتتاردى، فيشينگتىك حابارلامالاردى پايدالانىپ، ازاماتتاردىڭ سەنىمىنە كىرىپ، ولاردىڭ اقشا قاراجاتىن يەمدەنەدى.
نۇرا اۋدانى پروكۋراتۋراسى ءبولىمىنىڭ باستىعى شاھريرامادان سۇلتان ەڭ كوپ تارالعان سحەمالاردى اتادى: جوندەۋ جۇمىستارىن ورىنداۋ نەمەسە قىزمەت كورسەتۋ دەگەن جەلەۋمەن الدىن الا تولەم الىپ، كەيىن مىندەتتەمەلەردى ورىنداماۋ؛ تۋريستىك ساپارلار، اۋەبيلەتتەر نەمەسە قوناقۇيلەردى برونداۋ قىزمەتتەرىن ۇسىنۋ ارقىلى اقشا قاراجاتىن يەمدەنۋ، ءبىراق ۋادە ەتىلگەن قىزمەتتەردى كورسەتپەۋ؛ ءوزىن بانك قىزمەتكەرلەرى نەمەسە مەملەكەتتىك ورگانداردىڭ وكىلدەرى رەتىندە تانىستىرىپ، ازاماتتاردى اقشانى «ءقاۋىپسىز شوتقا» اۋدارۋعا، بانك كارتاسىنىڭ دەرەكتەمەلەرىن نەمەسە SMS ارقىلى كەلگەن راستاۋ كودتارىن حابارلاۋعا كوندىرۋ؛ الەۋمەتتىك جەلىلەر ارقىلى تەحنيكا، اۆتوموبيل جانە باسقا دا م ۇلىكتى جالعا الۋ تۋرالى كەلىسىمدەر جاساپ، كەيىن ولاردى زاڭسىز يەمدەنۋ نەمەسە قايتارماۋ؛ جوق پاتەرلەردى نەمەسە باسقا ادامدارعا تيەسىلى پاتەرلەردى جالعا بەرۋ تۋرالى جالعان حابارلاندىرۋلار ورنالاستىرىپ، كەپىلدىك نەمەسە الدىن الا تولەم الۋ؛ ينتەرنەت ارقىلى جالعان ينۆەستيسيالىق جوبالاردى، ترەيدينگ پلاتفورمالارىن نەمەسە اقىلى وقۋ كۋرستارىن ۇسىنىپ، ازاماتتاردىڭ اقشا قاراجاتىن يەمدەنۋ؛ فيشينگتىك سىلتەمەلەر ارقىلى مەسسەندجەرلەردەگى اككاۋنتتارعا قول جەتكىزىپ، كەيىن اككاۋنت يەسىنىڭ اتىنان ونىڭ تۋىستارى مەن تانىستارىنا اقشا اۋدارۋدى ءوتىنىپ حابارلاسۋ.
پروكۋراتۋرا ازاماتتاردى كەز كەلگەن كۇماندى ۇسىنىستارعا ساقتىقپەن قاراۋعا جانە ءۇشىنشى تۇلعالارعا جەكە دەرەكتەرىن، بانك كارتالارى تۋرالى مالىمەتتەردى جانە SMS ارقىلى كەلەتىن راستاۋ كودتارىن بەرمەۋگە شاقىرادى.
«بوگدە ادامدارعا بانك كارتالارىنىڭ دەرەكتەمەلەرىن جانە SMS ارقىلى كەلەتىن راستاۋ كودتارىن حابارلاۋعا بولمايدى. سونىمەن قاتار، تىم ءتيىمدى نەمەسە وڭاي تابىس ۋادە ەتەتىن ۇسىنىستارعا سىني كوزقاراسپەن قاراۋ قاجەت. قازاقستان رەسپۋبليكاسىنىڭ زاڭناماسىندا الاياقتىق جاساعانى ءۇشىن قاتاڭ قىلمىستىق جاۋاپكەرشىلىك كوزدەلگەن. قازاقستان رەسپۋبليكاسى قىلمىستىق كودەكسىنىڭ 190-بابىنا سايكەس، اۋىرلاتاتىن ءمان-جايلار بولعان كەزدە الاياقتىق جاساعانى ءۇشىن كىنالى ادامعا م ۇلىكتى تاركىلەۋ، بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ايىرۋ، سونداي-اق ون جىلعا دەيىن باس بوستاندىعىنان ايىرۋ سياقتى جازا قولدانىلۋى مۇمكىن»، — دەدى ول.