استانادا ءبىر جاس جىگىت Abu Dhabi Plaza ساۋدا-ويىن-ساۋىق ورتالىعىندا بۋتىك قىزمەتكەرلەرىنە پىشاق كورسەتىپ، ابىرجىڭ تۋعىزدى. وقيعا ساۋدا ورتالىعى جابىلار الدىندا بولعان، دەپ حابارلايدى infohub.kz.
Threads الەۋمەتتىك جەلىسىندەگى كۋاگەردىڭ ايتۋىنشا، جىگىت ەلەكتروندى تەمەكى ساتاتىن دۇڭگىرشەككە كەلىپ، ستيك بەرۋدى تالاپ ەتكەن. باس تارتقان سوڭ، ول پىشاعىن الىپ، ساتۋشىنى قورقىتىپ، سومكەنى الىپ قاشىپ كەتكەن. كەيىن ول قوقىس شىعارىپ جۇرگەن قىزمەتكەردى بايقاپ، سوڭىنان ەرگەن. ءبىر بۋتىكتە ول تاعى دا پىشاق كورسەتىپ، ستيك تالاپ ەتكەن.
«ستيك بەر، ايتپەسە ولتىرەمىن»، — دەپ جازدى اۆتور الەۋمەتتىك جەلىدە. ونىڭ ايتۋىنشا، كۇزەت قىزمەتىن دەرەۋ شاقىرۋ مۇمكىن بولماعان. اقىر سوڭىندا ساۋدا ورتالىعىنىڭ كۇزەتشىلەرى جىگىتتى قۋا باستاعان.
استانا پوليسيا دەپارتامەنتى بۇل فاكتىنى راستادى. قۇقىق قورعاۋ ورگاندارى بۇزۋشىنىڭ جەكە باسىن تەز انىقتادى — ول 19 جاستاعى ەلوردا تۇرعىنى بولىپ شىقتى. ونى تەرگەۋ ءۇشىن پوليسيا باسقارماسىنا جەتكىزدى.
«تەكسەرۋ بارىسىندا جىگىتتىڭ پىشاقتى ۇيدەن العانى انىقتالدى. سونىمەن قاتار، ونىڭ دەنساۋلىعىندا پروبلەمالار بار. وعان جەدەل جاردەم شاقىرىلىپ، كەيىن اكەسىنە تاپسىرىلدى»، — دەپ حابارلادى استانا قالالىق پوليسيا دەپارتامەنتىندە.
وقيعا سالدارىنان زارداپ شەككەندەر تۋرالى اقپارات جوق. بۇعان دەيىن سولتۇستىك قازاقستان وبلىسىندا ماس كۇيىندەگى ەر ادام پوليسەيگە پىشاقپەن شابۋىل جاساعانى حابارلانعان بولاتىن.