استاناداعى ساۋدا-ويىن-ساۋىق ورتالىعىندا 19 جاستاعى جىگىت پىشاقپەن ءجۇرىپ، ادامداردى ۇركىتكەن وقيعا بولدى. بۇل تۋرالى infohub.kz سايتى حابارلايدى.
وقيعا ساۋدا ورتالىعى جابىلار الدىندا بولعان. ساۋدا ورتالىعىنىڭ قىزمەتكەرلەرىنىڭ ءبىرى الەۋمەتتىك جەلىدە جازعانىنداي، جىگىت ەلەكتروندى تەمەكى ساتاتىن دۇڭگىرشەككە كەلىپ، ستيك تالاپ ەتكەن. باس تارتىلعان سوڭ، ول پىشاعىن الىپ، ساتۋشىنى قورقىتا باستاعان. سودان كەيىن پاكەتتى الىپ، دۇڭگىرشەكتى تەۋىپ، كورشى دۇكەنگە بەت العان.
«ول بىزگە كىرىپ، پىشاعىن سىلتەپ: "ماعان ستيك بەر"، — دەپ تالاپ ەتتى. كەيىن "ستيك بەرمەسەڭ، ولتىرەمىن" دەدى»، — دەپ جازدى قىز. قورقىپ كەتكەن قىزمەتكەرلەر كۇزەتشىلەردى شاقىرعان، ال جىگىت قاشىپ كەتكەن.
استانا پوليسيا دەپارتامەنتىندە بۇل جاعدايعا تۇسىنىكتەمە بەردى. قۇقىق قورعاۋ ورگاندارى بۇتيكتەرگە كىرگەن پىشاقتى ەر ادام تۋرالى حابارلاما العان. وقيعا ورنىنا كەلگەن پوليسەيلەر بۇزۋشىنىڭ جەكە باسىن انىقتاعان — ول 19 جاستاعى جىگىت بولىپ شىققان. ءمان-جايدى انىقتاۋ ءۇشىن ونى پوليسيا باسقارماسىنا جەتكىزگەن.
«تەكسەرۋ بارىسىندا جىگىتتىڭ پىشاقتى ۇيدەن العانى انىقتالدى. سونىمەن قاتار، ونىڭ دەنساۋلىعىندا پروبلەمالار بار. وعان جەدەل جاردەم شاقىرتىلىپ، كەيىن اكەسىنە تاپسىرىلدى»، — دەپ ءتۇسىندىردى استانا دپ-دا.