كەشە 48 جاستاعى شەتەل ازاماتى بوتانيكالىق باقتا ۇساق بۇزاقىلىق ءۇشىن 15 تاۋلىككە قامالدى. استانانىڭ ساياباقتارى مەن سكۆەرلەرىندە اۋقىمدى رەيدتەر باستالدى، دەپ حابارلايدى infohub.kz سايتى.
بىرلەسكەن رەيدتى ەسىل اۋدانى اكىمدىگىنىڭ قىزمەتكەرلەرى، استانا پوليسيا دەپارتامەنتىنىڭ وكىلدەرى جانە قوعام قايراتكەرلەرى وتكىزدى. تەكسەرۋ بوتانيكالىق باقتان باستالدى. الداعى ۋاقىتتا مۇنداي ءىس-شارالار تۇراقتى تۇردە وتكىزىلىپ، ەلوردانىڭ باسقا دا قوعامدىق ايماقتارىن قامتيدى.
رەيدكە قاتىسۋشىلار اباتتاندىرۋ ەرەجەلەرىنىڭ ساقتالۋىن باقىلاپ، كەلۋشىلەرمەن تۇسىندىرمە اڭگىمەلەر جۇرگىزەدى.
اكىمدىكتىڭ حابارلاۋىنشا: «سونىمەن بىرگە بوتانيكالىق ب ا ق اۋماعىندا زاڭسىز ساۋدا مەن بالالاردىڭ ەلەكتروموبيلدەرىن رۇقساتسىز جالعا بەرۋگە جول بەرمەۋ بويىنشا جۇمىس جۇرگىزىلۋدە، ويتكەنى مۇنداي ارەكەت رۇقسات قۇجاتتارىنسىز تۇتىنۋشىلاردىڭ دەنساۋلىعى مەن ومىرىنە ءقاۋىپتى».
ەسىل اۋدانى اكىمىنىڭ ورىنباسارى باقىتجان الداۋوۆ بوتانيكالىق باقتىڭ ويىن-ساۋىق پاركى ەمەس ەكەنىن اتاپ ءوتتى: ونىڭ اۋماعىندا سيرەك كەزدەسەتىن وسىمدىكتەر وسەدى. ول بالالارمەن سەرۋەندەۋگە جانە تازا اۋادا دەمالۋعا ارنالعان.
استانا پوليسيا دەپارتامەنتىنىڭ قوعامدىق قاۋىپسىزدىك باسقارماسى باسشىسىنىڭ ورىنباسارى ەركىن جانابىلدىڭ ايتۋىنشا: «جىل باسىنان بەرگى ءىس-شارالار بارىسىندا بوتانيكالىق باقتىڭ ىرگەلەس اۋماعىندا اباتتاندىرۋ ەرەجەلەرىن بۇزعانى ءۇشىن 700-دەن استام ادام اكىمشىلىك جاۋاپكەرشىلىككە تارتىلدى. ق ر اقبتك-نىڭ 505-بابىنىڭ ءبىرىنشى بولىگى بويىنشا ەسكەرتۋ نەمەسە 20 اەك مولشەرىندە اكىمشىلىك ايىپپۇل كوزدەلگەن. سونداي-اق بەلگىلەنبەگەن ورىنداردا ساۋدا جاساعانى ءۇشىن 300-دەن استام ادام جاۋاپكەرشىلىككە تارتىلدى، بۇل بۇزۋشىلىقتىڭ ايىپپ ۇلى 10 اەك قۇرايدى».
اكىمدىك سوڭعى مىسالدى كەلتىردى: كەشە بوتانيكالىق باقتا قوعامدىق ءتارتىپتى بۇزعانى ءۇشىن شەتەل ازاماتى 15 تاۋلىككە قامالدى. كورشى مەملەكەتتىڭ 38 جاستاعى تۇرعىنى دەمالۋشىلاردىڭ كوز الدىندا گازونعا دارەت سىندىرۋعا تىرىسقان. پوليسيا قىزمەتكەرلەرى حاتتاما تولتىرىپ، سوت ۇساق بۇزاقىلىق ءۇشىن 15 تاۋلىك اكىمشىلىك قاماق جازاسىن تاعايىندادى.