استانا سوتىندا فەلدشەر ۇلدانا مىرزۋاننىڭ قازا تابۋىنا قاتىستى ءىس بويىنشا تاراپتاردىڭ ءجارىسسوزى اياقتالدى. ايىپتالۋشى — م ۇلىك يەلەرىنىڭ بىرلەستىگى (ميب) ءتورايىمى ساۋلە جۇبانيازوۆا ءوزىنىڭ كىناسىزدىگىن مالىمدەدى، ال ونىڭ قورعاۋشىسى اقتاۋ ۇكىمىن شىعارۋدى تالاپ ەتتى، دەپ حابارلايدى infohub.kz سايتى.
«ءقاۋىپتى بىلە تۇرىپ، شارا قولدانباس پا ەدىم؟» — دەپ سۇرادى سوتقا ءسوز سويلەگەن ايىپتالۋشى. ءجارىسسوز بارىسىندا ول مارقۇمنىڭ وتباسىنا كوڭىل ايتىپ، كىناسىن مويىندامادى جانە ءۇيدىڭ جاسىرىن اقاۋلارى تۋرالى بىلە المايتىنىن اتاپ ءوتتى.
«تۇرعىن ءۇي قاتىناستارى تۋرالى زاڭعا سىلتەمە جاساي وتىرىپ، وندا ءتوراعانىڭ ارنايى ءبىلىمى بولۋى تالاپ ەتىلمەيتىنىن ايتقىم كەلەدى — تۇرعىن ۇي-كوممۋنالدىق شارۋاشىلىق سالاسىندا دا، قۇرىلىس سالاسىندا دا. ءتوراعا تەك م ۇلىك يەلەرىنىڭ نەمەسە ولاردىڭ تۋىستارىنىڭ اراسىنان سايلانادى»، — دەدى جۇبانيازوۆا.
ول اپات كەزىندە ءميب-تى بار بولعانى التى اي باسقارعانىن، ال بۇعان دەيىنگى تەكسەرۋ اكتىلەرى وزىنە بەرىلمەگەنىن اتاپ ءوتتى.
«جوسپارلى تەكسەرۋ جۇرگىزۋدىڭ ءبىر جىلدىق مەرزىمى ءالى بىتپەگەن، سوندىقتان مەنىڭ تاراپىمنان ەشقانداي بۇزۋشىلىق جوق. تەكسەرۋدى جۇرگىزدىم، ءبىراق اكتىمەن راسىمدەمەدىم. الايدا ول راسىمدەلگەننىڭ وزىندە دە بولعان جاعدايعا اسەر ەتپەس ەدى»، — دەپ اتاپ ءوتتى ايىپتالۋشى.
سوڭىندا ساۋلە جۇبانيازوۆا ءوزى دە وسى ۇيدە تۇراتىنىن جانە ونىڭ قاۋىپسىزدىگىنە باسقالاردان كەم قامقورلىق جاسامايتىنىن مالىمدەدى.
«مەن ءوزىم سوندا تۇرامىن، جاقىندارىم سوندا تۇرادى. بۇل اپاتتا مەنىڭ بالالارىم، انام، ءوزىم زارداپ شەگۋىمىز مۇمكىن ەدى. ءقاۋىپتى بىلە تۇرىپ، شارا قولدانباس پا ەدىم؟ قۇرمەتتى سوت، مەن ءوزىمدى كىناسىز دەپ سانايمىن جانە ءادىل شەشىم قابىلدايتىنىڭىزعا سەنەمىن»، — دەپ قورىتىندىلادى جۇبانيازوۆا.
قورعاۋ تاراپى اقتاۋدى تالاپ ەتەدى. ايىپتالۋشىنىڭ ادۆوكاتى داۋرەن ەسلەمبەك ۇلى جارىسسوزدە ايىپتاۋ تاراپى ميب ءتورايىمىنىڭ كىناسىن دالەلدەيتىن دالەلدەر ۇسىنباعانىن مالىمدەپ، سوتتى اقتاۋ ۇكىمىن شىعارۋعا شاقىردى.
«سوت زەرتتەگەن ماتەريالدار عيماراتتىڭ ۇزاق ۋاقىت بويى قۇرىلىمدىق جانە قۇرىلىستىق اقاۋلارى تۋرالى ماڭىزدى مالىمەتتەردى قامتيدى. مەنىڭ قورعالۋشىمىم وسى اقاۋلاردى ءوز بەتىنشە انىقتاي الاتىنىن ايىپتاۋ تاراپى دالەلدەگەن جوق»، — دەدى ول.
ادۆوكات سونداي-اق سوتقا دەيىنگى تەرگەۋ بارىسىندا قورعالۋشىنىڭ قۇقىقتارى بۇزىلعانىن مالىمدەدى.
«ادامدى بولعان جاعدايدى تۇسىندىرۋگە ىڭعايلى بولعاندىقتان عانا كىنالى دەپ تانۋعا بولمايدى... تەك ونىڭ جەكە كىناسى رۇقسات ەتىلگەن، سەنىمدى جانە جەتكىلىكتى دالەلدەرمەن دالەلدەنگەن جاعدايدا عانا. سوتقا مۇنداي دالەل ۇسىنىلمادى. سوتتان اقتاۋ ۇكىمىن شىعارۋدى سۇرايمىن»، — دەپ قورىتىندىلادى ەسلەمبەك ۇلى.
ەسكە سالايىق، بۇعان دەيىن استانالىق ميب ءتوراعالارى جۇبانيازوۆانى قورعاپ، جاڭا ۇيلەردىڭ اپاتتىق قاسبەتتەرى جۇيەلى ماسەلە ەكەنىن، ولاردى جوندەۋ جۇزدەگەن ميلليون تەڭگەگە باعالانىپ، تۇرعىندارعا اۋىر ەكەنىن مالىمدەگەن بولاتىن.
كەيىن زارداپ شەككەندەر ميب ءتورايىمىنان 45 ملن تەڭگەدەن استام قاراجات ءوندىرۋدى تالاپ ەتتى. ولار ماتەريالدىق جانە مورالدىق شىعىندارىن وسىلاي باعالادى. الايدا ايىپتالۋشى كىناسىن دە، قويىلعان تالاپ-ارىزداردى دا جوققا شىعاردى.
بۇعان دەيىن «كۋرسيۆ» پروكۋرور سەريكوۆا ميب ءتورايىمىنا ەكى جىل باس بوستاندىعىن شەكتەۋ جازاسىن سۇراعانىن جازعان. ۇلدانا مۋرزۋاننىڭ اناسى اقشالاي وتەماقىدان باس تارتىپ، جۇبانيازوۆاعا باس بوستاندىعىنان ايىرۋعا بايلانىستى ەمەس جازا تاعايىنداۋدى سۇرادى. مارقۇمنىڭ بۇرىنعى جۇبايى شەشىمدى سوتتىڭ قالاۋىنا قالدىردى.